Tuesday 21 September 2010

رساله لأب وام خايفين علي ولادهم .. يعني ايه سلبيات موقع اجتماعي؟

الحقيقة
كان لازم اقول الحقيقه مش الفيس ال له الزنب لأ
عشان كدا هغير التوجيه مش للفيس لل بينشر الغلط في اي سايت اجتماعي وغيره
يعني الكلام دا مش ع الفيس وبس .. علي كل مكان فيه كدب و فساد
أخيراً


أخيراً .. يا فيس طردتني من عندك من جديد .. لتالت مره بعد البومات الذكريات


و أفراح الصحاب و اعياد الميلاد و لبس العيد


بسهوله كدا تطردني من مكاني .. من شقتي الايجار ال عندك اللي كنت عاملك فيها جو بالورد والرومانسيه


و الصحاب المميزين


هو يعني انت مش عارف تتشطر غير عليا ؟


متشطرتش ليه علي الوغد مدعي الالوهيه؟


ما ترد عليا يا فيس وقولي .. يشمعني تطرد ال قال كلمة حق ومتطردش ال بيعمل فتنه وبيتطاول علي رب العالمين الخالق سبحانه وتعالي استغفره لا اله الا انت سبحانك اني كنت من الظالمين


عايز تقنعني بإيه بالظبط ؟


انك بفكرتك الحقيقيه أعظم من ان اقول حقيقتك وتمسحني ومتمسحش الشياطين اللي ساكنينك بافكارهم و صورهم و خططهم و اللي هدفهم ازاي ينشروا الفساد في الارض


استشهد بالاية 32 من سورة المائدة


بسم الله الرحمن الرحيم


منْ أَجْلِ ذلِكَ كَتَبْنَا عَلَى بَنِي إِسْرَائيلَ أَنَّهُ مَن قَتَلَ نَفْساً بِغَيْرِ نَفْسٍ أَوْ فَسَادٍ فِي الأرْضِ فَكَأَنَّمَا قَتَلَ النَّاسَ جَمِيعاً وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً وَلَقَدْ جَآءتْهُمْ رُسُلُنَا بِالّبَيِّنَاتِ ثُمَّ إِنَّ كَثِيراً مِّنْهُمْ بَعْدَ ذلِكَ فِي الأَرْضِ لَمُسْرِفُونَ

(32)


وقبل أن اتحدث عنك سأترك ما قالوه عنك في كيانك جواك ومزود عليه عاشوريات احمد عاشور لتكتمل تعاريفك ويليهم ردي اللي طردتني عشانه يا فوس فوس
وللأمانه الادبية دا لنك عاشور و انا زودت عليه الاحساس ال خلاني
out


*** *** ***

ع الفيسبوك


1


عرفت ناس وهمية


..


ولما قابلتهم


..
طلعوا كدة فعلاً !


2


حضنت الفرحة ونمت


..صحيت من غيرها


..قمت عملت ريفريش


..لقيتها في بروفايلها


!


3


مؤمنين عاملين ملحدين


..ملحدين عاملين مؤمنين


..لكن اللي شفته كتير كانوا ..حيوانات .. عاملين بني آدميين


!........يعني ايه فيسبوك؟....
.......يعني تقعد تتناقش بالساعات والأيام ........
وفي الاخر كل الكلام دا يروح في الهوا ومحدش بيتغير


يعني ايه فيسبوك؟


يعني لما واحدة تتعلم الطبيخ وتيجي تدوق أكلها وتلاقيه حلو أوي تجري ع الفيسبوك وتكتب ستاتس :


أنا فظييييييييييييييعة!


والمطلوب منك إنك تستنج سر الفظاعة


يعني ايه فيسبوك؟


يعني إنك تعيش فيها شوية وتحس بقيمتك ..


اللي يضايقك تعمله دليت وبلوك ..


وكدة بقى مش موجود .اللي يكتب كومنت سخيف ..


أمسحه بالكومنت على طول


اللي بيستظرف أو اللي مش نازلك من زور دخله النار بتاعتك وأطرده من قائمتك


يعني ايه فيسبوك؟؟


يعني إنك تكتب ستاتس


وتبص عليها كدة من بعيد وتقول "ايه يا واد العبقرية ديه"


..تروح عامل لايك! ;)


يعني ايه فيسبوك؟


يعني إنك تعرفنا تقريرك اليومي لشخصك المبجل


.."أنا قررت استحمى النهاردة يا جماعة" !..


....يعني ايه فيسبوك؟؟


....يعني شباب فاضي فاكر إنه مكافح ..


... شباب عاطل فاكر نفسه مثقف ..


... شباب مالوش لازمة .. بقالهم لازمة


يعني ايه فيسبوك؟


يعني إنك لما تحس إنك سخيف وفي نفس الوقت صادق مع نفسك .. تروح تفكر تعمل ريبورت للأكونت بتاعك!
.................
يعني ايه فيسبوك؟
.................
يعني إنك لما تعمل صفحة وتنجح


.. تلاقي 5 مليون صفحة طلعت زيها بتقلدها


..وكل واحد حسب فكره ..عندك على سبيل المثال ..


صفحة "بس يا سيدي وقامت معيطة" ..


قامت فتاة .. بتحويلها "بس يا سيدي وقام معيط" .


.ثم قام إسلامي بتحويلها لــ "بس يا سيدي وقام مصلي ركعتين"


ثم ظهر رد فعل عبثي رائع


.. "بس يا سيدي وقام عمل ريبورت للصفحة"


...................
يعني ايه فيسبوك؟

...................
يعني إنك لما تحب تشتغل في البشر تعمل صفحة يتيمة سب في الله أو الأديان ..


عشان تلاقي 5000 أهطل عمل مليون صفحة للرد عليها !


والأظرف أن تجد كل كارهي الصفحة يدخلوها ليطلبوا من الآخرين الخروج منها !


........يعني ايه فيسبوك؟........


يعني سبوبة لناس وشهرة لناس وبيزنس لناس ..


بكرة حفلة توقيع كتابي "خواطر مونتي المجنونه "بكرة هطلع على إذاعة جيفنز الرسمية .. اسمعوني !

يعني ايه فيسبوك؟


..يعني مولد وصاحبه غايب ..يعني ناس بتتريق ع الدين ..


وناس بتدافع عنه

..ناس عايزة تحرق الفقرا ..

وناس عايزة تقطع فرو الأغنيا ..ناس بتشجع الأهلي ..وناس ملهاش في الكورة ..


ناس بتعشق عمرو دياب ..وناس بتتجنن علي تموره


.........يعني ايه فيسبوك؟..........

يعني ملتقى المرضى النفسيين في كل مكان !

........يعني ايه فيسبوك؟........

يعني إنك لما تقبل صداقة حد ييجي يكتبلك ع الوول شكراً ع الإضافة !

يعني حد يضيف واحدة ولما تسأله عن سبب الإضافة يقولها أصلي افتكرتك سِنجِل !


يعني -إنت كشخص بياناتك واضحة-


لما تقبل صداقة بروفايل وهمي , ييجي بعدها يسألك إنت مين؟


.........يعني ايه فيسبوك؟.........


يعني انك تكتب نوت وتنام ..تصحى تلاقي ناس شغالة بتشتم بعض في التعليقات !


(يلا يا حبيبي انت وهو .. كله على بروفايله .. هنرش مية)


يعني ايه فيسبوك؟

.........يعني هبل طبعاً........


يعني ايه فيسبوك؟


يعني علاقات , حب , خطوبة , علاقة مفتوحة , جواز ..


يعني إنك تكون مرتبط باتنين على بروفايلين ..يعني انك تكون مرتبط بشخصية وهمية ..


يعني لما الناس كلها تيجي تباركلك العلاقة الجديدة في التعليقات ..ومن ورا ضهرك


يعني الناس تقولّك العلاقة ديه هايلة ولما تلغيها .. نفس الناس يقولوا معلش إنت أحسن برضه ..


......يعني ايه فيسبوك؟......


يعني لما الفضا يجيب آخره معاك تروح مألف شخصية وهمية أكثر جرأة من شخصيتك الحقيقية عشان تأكد على كلامك ..


يعني لما الجنان يجيب آخره معاك تروح مألف شخصية وهمية ضد أفكارك تماماً ولا بأس لو تعاركت مع شخصيتك هذه في تعليقات بالسباب رايح جاي .. أمام الجميع !


......يعني ايه فيسبوك؟......
يعني الناس تبطل تعترض على أفكارك ..
لغاية ما تكتشف -بعد ما أكونتك يتقفل-


إنهم كانوا بيعملوا ريبورتات للأكونت بتاعك في صمت وإخلاص!


:) hehe
................


يعني ايه فيسبوك؟
...................
يعني تظبيط بنات ..بتحبي مين من المطربين؟


انتي عارفة إنك فيكي كتير مني !


انتي حبيتي قبل كدة؟أنا معطلك عن حاجة؟


.....يعني ايه فيسبوك؟.....


يعني البنت تبدأ تحط صورتها لما يفوتها قطر الجواز

وال مفاتهاش .. عادي بقي ما هو بابا وماما موافقين مش مهم الشعب ياخدها يشتغل بعضه بيها

حصلت قدامي كتير وياما نصحت .. والمبررات كتير

......يعني ايه فيسبوك؟......

يعني واحدة تيجي تقول : أنا هنتحر يا جماعة !

وكله ييجي يهدي فيها عشان تعقل ماعدا حد بحترمه جداً ممكن يكتب

هتوحشينا !

................
يعني ايه فيسبوك؟
..............
: يعني حد يكتب ستاتس

والدي توفى اليوم!
ويروح ييجي واحد يعمل لايك !


.....يعني ايه فيسبوك؟.....


يعني إنك تحط لينك من ساعة لتجد عليه تعليق من 10 ساعات !

يعني إنك تحط لينك من ساعتين لتجد بعض التعليقات اختفت من عليه ..

يعني إنك تحط لينك من 3 ساعات لتجد بعدها الأكونت بتاعك اتقفل ..

يعني إنك تبعتلهم رسالة عشان يرجعوا الأكونت من 4 ساعات فيطلبوا منك إنك تصور البطاقة أو رخصة العربية وتبعتهالهم عشان يتأكدوا إنك أنت أنت ..يعني إنك لما تبعت اللي عايزينه من 5 ساعات يفضلوا يبعتولك نفس طلبهم

.. بكل آلية

يعني إنك بعد 6 ساعات تظبط نفسك عشان تعمل أكونت جديد

مش دا ال عملتوه معانا يا فيسبوكيه ومع كتير اوي

......يعني ايه فيسبوك؟.......

يعني إنك تلاقي الملحد بقى مؤمن ..المؤمن بقى ملحد ..المسلم بقى مسيحي ..المسيحي بقى مسلم ..

يعني إنك تلاقي الملحد اللي بقى مؤمن رجع ملحد تاني !

والمسلم يقلب يهودي !

والمسيحي يرجع بوذي

!.......يعني ايه فيسبوك؟.......

يعني إنك لما تكتشف إن اللي قارفك في عيشتك بتعليقات خنيقة ممكن يطلع
أخوك .أو صاحبك .أو إنت نفسك !

.............يعني ايه فيسبوك؟..............

يعني جوز خالتك يطلع عمتك !

يعني ايه فيسبوك؟

يعني إنك تحس إن اللي حواليك كلهم متنورين , معارضين , مثقفين !

تطلع للشارع تلاقي عكس الكلام ده ..
وغالباً العكس ده بييجي من نفس مثقفي الفيسبوك !

مع تحيات الفصام

يعني ايه فيسبوك؟

...........

يعني إنك تحب فتاة لأيام وشهور ولو متخلف عقلياً ممكن نقول سنين كمان !

ترفض لقائك لأنها محترمة .

تضع لها صوراً كثيرة لتؤكد على شخصيتها و ترفض أن تريك صورتها لأنها محترمة !

وترفض أن تعطيك رقم المحمول لأنها محترمة !

وفي الآخر تطلع واحد صاحبك بيشتغلك اشتغالة محترمة !

ههههههههههههههههههههههه

أقول هذا الكلام لأني يؤسفني أن أخبركم إني طلعت شخصية وهمية يا جماعة

وده بعد ما عملت تحليل للأسف

ومن ساعتها وأنا مش عارف أعمل إيه ولا أروح فين

"جئت لا أعلم من أي أكونت لكني أتيت كي أقول أن هذه الدنيا زائلة ..لا تسوي شيء و دا اكبر مثال مر علي اختفاء مونتانا من علي شاشات الفيس بوك 24 ساعه ومازالت الحياه تسير

:(

وعشان كدا انا بشكر الفيس علي اللي عمله لانه خلاني ارجع بجديه لمدونتي بيتي اللي بيحترمني ومبيطردنيش مهما عملت .. بيستحملني وبيديني حريتي زي ما انا عاوز .. اشرب نسكافيه .. اضرب زبادوو انا حر بقي .. ولا هيهددني اسكت ولا هيقولي اطلع بره بيتي يا مونتي

يعني عشان قولت

يعني ايه حجج واهيه

يعني انك تسيب الصلاه وانت سامع الاذان عشان متفوتش لحظات الشاتنج السعيده و متابعة الاستتس الظريفه في نهار رمضان

ولما تسيب التراويح .. وقيام الليل عشان تسهر مع شيطان جوه بني ادم تدردشوا وتهزروا و لما متلاقوش حاجه تعملوها تقوموا تناموا قبل ما الفجر يأذن

يعني ايه نايم في العسل بمزاجك ؟

يعني تساير الحريه .. تعمل لطفل 7 سنين اكونت وانت بتعلمه الصلاه تكافئه باكونت عليه وتسيبه يعيش ويشوف الدنيا .. ولا تراقبه ولا تقوله بتكلم مين يا حبيبي .. ولا تتابع اخباره .. ولا تحددله مواعيد عادي ليل نهار مافيش مشاكل اهو مريحك من دوشته .. و تحصد دا .. في عصبيه زايده .. في افكار دخيله كلها غلط .. وفي النهايه تقوله ابقي قابلني لو فلحت

يعني ايه خليك فري ؟

يعني تبقي اورجنال خالص .. فيها ايه لما ابني يعرف الدنيا ويتفرج عليها .. فيها ايه لما يتبعتله جروب مش كويس وانا مسالش عادي .. اهو بيشوف الدنيا وفي مكان امن .. لا راح ولا جه مع انه ممكن يروح كل حته وييجي وهو في مكانه وزنبه في رقبتك انت

*** **** ***

الحقيقه .. انا كل ال كنت اقصده .. هو ان ابلغ رساله لناس معينه .. مديه الامان الكامل لاطفالهم ع النت اللي فيه الحلو والوحش .. ومش معني ان وضحت العيوب ان بوحشه.. بالعكس فيه التقيت باجمل ناس عرفتها في حياتي

بس خوفي علي طفل صغير مبيتعملش عليه كونترول .. وطفل معموله اكونت عادي جدا باسمه وصوره و بيجيله اضافات من ناس مجهولين

خلاني اتكلم من غير ما افكر في ابعاد تانيه ..

هي دي الفكره زي ما قالت كيارا ..
مين اللي ادي لنفسه المساحه يشوف كل دا .. جميل جدا دا ال بتكلم فيه يا كيارا .. الكبير ممكن يدي لنفسه المساحه لكن لما يدي الامان لطفل ميعرفش يفرق بين صح وغلط يبقي هو ال عرضه للمساحات دي ..

عرضه انه يقابل افكار متغلفه ممكن يتأثر بيها بسهوله بعيده عن تعاليم دينه

عرضه انه يدخل في سياسات هو في غني عنها لانه مش في المرحله ال مفروض يتدخل فيها بالحاجات دي

عرضه انه يعيش سن غير سنه .. و يعرف يعني ايه سوري في اللفظ مزه و يقولها عادي جداً ما هو بنات ومثقفه بتدلع بعض بيها و علي الملأ وكانها كلمه عاديه وتنفع تدلع بيها

هو دا ال بتكلم فيه .. ازاي نقدر نقوم جيل جديد .. في مكان أمن .. حتي البلوجر فيه مشاكل زي دي بس فيه خصوصيه اكبر انك بتقدر تتحكم في مساحات اصدقائك بطريقه افضل

ياريت تفهموا اقصد ايه من ال كتبته .. واكيد الفيس في حد ذاته انا مش ضده لان فيه رقابه و خصوصيه ..

المهم دايماً ندور علي طريق افضل وامن

10 Responses so far.

  1. Ramy says:

    محمد أية الأخبار

    بوست جامد يا ابنى بأمانة

    انت عارف انا مبدخلش الفيس اساسا غير فين فين

    بس تصدق بقى

    القفلة دى جت مصلحة علشان نشوفك ع المدونة يا ماااان

    حمد الله ع السلامة

    نورت مدونتك

    بالتوفيق يا محمد

  2. Kiara says:

    يااااااااه اخيرا بعبرت المدونة

    بص انا متفقة معاك في كل دا لكن هقولك مين اللي ادا المساحه انه يشوف كل دا

    عن نفسي مش عندى الكلام دا خالث

    :)

    حمد الله علي السلامة

    نورت المدونة:)

  3. ده انفجار بركاني يا مونتانا

  4. Ramy
    ازيك يا صديقي واحشني جدا ولو اعرف انك مبتدخلش الفيس بمزاجك كنت جيت من زمان .. بس فعلا انا اللي مقصر في حق مدونتي العزيزه و الحمدلله انه حصل كدا وابتدي ارتب نفسي و اكتب بوستاتي اللي في بالي
    وحشتوني كلكم جدا جدا و يارب دايما نتلاقي علي خير
    :))

  5. This comment has been removed by the author.
  6. كيارا .. منوره البوكيه
    عندك حق و اكيد انا عارف حدودك الجميله و بحييها فيكي
    بس يا كيارا .. انا بتكلم عن الناس ال مبتعملش حساب المساحات دي لاطفال قصر .. وفرحانين انهم عاملينلهم اكونتات من غير ما يراقبوها ولا يعرفوا هما بيعملوا ايه ولا بيتعاملوا مع مين ولا بيكلموا مين
    ادوا الامان الكامل ..من غير متابعه
    طيب احنا و كبار و نقدر نتحكم لكن .. الطفل الصغير دا هل له انه يطلع بطاقه قبل 16 سنه؟
    او يطلع رخصه قبل 18 سنه
    ليه يتعمله اكونت وهو 6 سنين ويتعامل مع افكار ناس مختلفه مش من سنه
    صحيح دلوقتي الاطفال بقت هي ال بتعلمنا .. بس ع الاقل نبقي بنعمل ال علينا
    دي نقطه
    النقطه التانيه .. ان كل ال مستغربله يعني انا لما انصح حد في حاجه حقيقيه وملموسه اتعاقب و ال يتطاول علي ذات الالوهيه يتساب عشان يبان كم الناس ال دماغها فضيت وداخله تشتم و تعمل جروبات تنادي بعدم دخول الجروب و يضيعوا وقتهم في الكلام دا وينسوا واجبهم الحقيقي في عملهم و بحثهم في دينهم و دعائهم من جواهم
    وارجع تاني واشكرهم عشان خلوني ارجع لمدونتي
    :))))

  7. سموح
    :))
    هو ايه ال انفجر يا حبي

  8. ههههههه هم يبكى وهم يضحك اهو الفيس بوك بقى الهمين دول فعلا
    وكله كوم واللايك فى حالات الوفاه كوم تانى

    بالنسبة للاطفال ده كارثه فعلا لو مافيش رقابة

    على العموم المفروض كلنا نرجع مدونتنا تانى هى البيت بجد اللى محدش يقدر يطردك منه

  9. Kiara says:

    موضوع الاطفال دا مشكله كبيرة وفعلا لازم رقابة

    والا االزمام هيفلت منهم وبعد كدا هيقواو ياريت اللي جرا ما كان

    البوكيه منور بااصحابه :)

  10. Unknown says:

    كلامك صح و قلمك سهل بس متنساش ان الدش و الموبايل و النت و أي حاجه ممكن تستعمل استعمال مفيد أو استعمل مضر جدا حسب المستعمل و ممكن الفيس يكون سبب لنشر حاجه مفيده و أو نوع من الثقافه تحياتي ليك و شكرا على تصفحك لمدونتي