#Post Title #Post Title #Post Title
Sunday, 11 November 2012

حلم باريس

عارف أنا بحلم بإيه !!
حلم حلمت بيه ونفسي أحققه
نفسي أوي أسافر باريس
ماتستغربش من الحلم دا عشان دا الحلم الوحيد ال فاضلي
نفسي أتعلم فرنساوي و أتكلم بيه زي ما بشوف الأطفال بينطقوا الحروف برقه ودلع
وأدرس الرسم هوايتي و أتعلم بيانو
 وابقي رسامه محترفه ومشهورة اوي ..
كل يوم هرسم في مكان جديد ..
هبتدي ببرج ايفل و هسهر في الحي اللاتيني و اغير جو في سانت جوليان ومونبليه و
في تروا هرسم علي نهر السين الطيور وهي حواليه
هرسم العشاق في لحظة الغروب وهي بتضم احلامهم وبتديهم الدفا
هرسم الاطفال و هما بيجروا وبيتشاقوا و ابتسامتهم مليانه حب بريء
 وروحي هتبتسم مع ابتسامتهم عشان الصوره تطلع احلي
هختار كل الالوان ال انت دايماً كنت بتحكيلي عنها
فاكر الأزرق وعشقك للونه علي فستاني وكأن نفسك تشوفه في كل مكان بشوفك فيه كنت بتشاور ع السما وتقولي شايفه فستانك وهو مراية البحر والسما مافيش اصفي منهم معاكي  
والأحمر لون قلبك .. فاقع أوي زي نبضك .. مابتحبش أبداً تشوف لون بهتان حواليك ولا حد حزين قدامك .. زي ما بتهتم بكل تفصيلة صغيرة في حياتك ..
والأخضر لون فرحتك  .. لما بتزعل بصالحك بيه .. برسمه علي جدران شارعك  .. بزرعه في حديقة بيتك .. بلونه في كل رسمه برسمها ليك..
زي ما انت كنت بتصالحني ببوكيه ورد الوانه زاهية و فروعه خضرا وقولتلي العود الأخضر هو الأمل ال هيفضل جذوره تجمعنا
والأبيض لون النقاء مش انت ال قولتلي لما تكبري والابيض يشيب في راسك هحبك أوي وهحبك أكتر .. حببتني في لون الطيبة و شوقتني أمسك في الدنيا أكتر لحد ما شعري يبيض وإنت معايا ..
والأسود .. لون الوقار (( كلاسيكية أنتِ حبيبتي لدرجة أن نساء العالم كلهم يدفعون عمرهم كله ليتعلموا منك كلاسيكيتك في الخفاء .. وليتهم يستطيعون ))
اااه حبيبي .. دا كان وصفك ليا لما غميت عينيا وفاجئتني بهدية من غير مناسبه غلافها كان أسود وشريطها أحمر ..
قولتلي خمني .. قولتلك ممممممم واضح أنها حاجة كبيرة وغالية .. قولتلك بدلع ممم مش عارف !!
قولتلي افتحيها وانتي مغمضة ..
فتحتها ولاقيت ايديا لوحدها بتعزف عليها Love Story  و صرخت في وشك .. بحببببببك
كانت أجمل مفاجئه حسيتها قبل ما عيني تشوفها ..
البمبي .. الحياه بقي لونها بمبي وأنا جمبك وانت جمبي .. فاكر حبيبي لما كنا بنغنيها سوا علي شط بحرنا ؟
والعشاق واقفين حوالينا بيوشوا الودع وبيتمنوا يكونوا زينا وبيرموه في البحر وعنيهم غيرانه مننا ونفسهم يقلدونا ويجروا حافيين ع الشط ويطرطشوا المايه زينا علي بعض .. ببساطه كده .. بحريه كده .. ماحدش له حاجه عندنا انا هي وهي انا ..

هلون السعادة علي وشوش الناس زي ما كنت بتلون السعادة علي وشي وأنا معاك

ماتخافش عليا أنا مش هنسي أصلي كل فرض في ميعاده وأنا ساجده هدعيلك بكل حرف جميل أتعلمته منك وكل لحظة حلوه عشتها معاك تاخد ثوابهم أضعاف أضعاف الحسنات ( يارب )
أنا عارفه انك بتحب البدل الايطالي بس بتعشق الاستايل التركي .. هانزل في البريك وهاجبلك بدلة تليق عليك وهنقيلك كرافات علي ذوقي
عارفه البيرفوم ال بتحبه وبشمه في كل لحظة بتنفس فيها وبياخدني الحنين اليك وانت بعيد ..
أقسم لك أنه مافيش لحظة عدت تاه مني الاحساس دا .. هاجبلك من كل نوع بتحبه اتنين .. واحد ليا وواحد ليك ( One Milion - Swa rouge - RichRich - Jadour ) انا عارفه انك بتحب تشم البيرفوم بتاعي وبتجيب لنفسك كل مره واحد زي ال كنت بتهديهولي ..
نفسي اجيبلك الدنيا كلها هدية وأنا راجعه من باريس
بيقولوا ان ال بيروح باريس بيشوف عجايب الدنيا وبيرجع منها نفسيته حلوه اوي

هو ينفع اجيب معايا الشوارع والهدوء ؟
الأضواء والنظام و الصخب الراقي واحترام الناس لبعضها ؟
كل حاجه جميله زورتها هصورها .. هاجيبلك كاميرا سوني هاي ديفنيشن زي بتاعتي .. عاوزاك تصور بيها العيال ال بتحب تصورهم في الافراح والرحلات ال مابتزهقش منها دي

بص بقي انا نفسي نفسي نفسي أجيبلك بوكيه ورد من هناك بس مش عارفه هايفضل عايش ولا هايموت في الطريق .. هحاول ارجع بطياره بسرعه ممكن يعيش ويستني
الورد في باريس ذوقه عالي اوي و عارفه انه هيعجبك حتي لو بسيط
انا فاكرة بوكيه الورد الكبييييييييييييييييير اوي ال جبتهولي في عيد ميلادي مش عارفه انت جبته منين ومين المجنون أصلا ال قبل بفكرتك وعملهولك كده ..
انا مش هاقدر اوصفه عشان انت قولتلي دا ليكي انتي بس ..
بس مش هاقدر أنسي كلامك علي الكارت (( هافضل أحبك لغاية أخر ورده ما تتدبل )) كنت مستغربه والورد كله بيدبل قدامي كل يوم الا الورده ال في النص والله لسه عايشه مابتدبلش ..
أول ما هرجع مصر حبيبتي أم الدنيا ال رسمتها في كل مكان زورته في ضواحي باريس .. واتشهرت علي حسها وبركة دعاها ليا .. هاروح مكان انت عارفه كويس
دورك  انت بقي تخمن هاروح فين !!
ممممممم .. أيوه المنصورة .. البلد الجميله ال ياما حكيلتي عنها وشوقتني أزروها و أشم حنينها ال عاش جوايا من غير ما أشوفها أنا زورتها في احلامي كتير زي ما زورت باريس

لأول مره هلف بعربيتي الكوبيه بحريه ومش هاتكسف افتح السقف وهجري أوي زي ما كنت بتحكيلي عن مغامراتكم بالعربيه ع المشايه  اشمعيني انتوا يعني واو ..
هي حلوة بجد زي ما انت حكيلتي عنها
أول ما أوصل الاستاد هعدي علي بيتك وهاجبلك معايا كل الهدايا ال وعدتك بيها و كل الرسومات ال رسمتها واتشهرت بيها ... هاخليك توقع عليهم كلهم باسمك انت ..
انا رسمت كل دا كل دا عشانك انت ..
ياتري وقتها هتقابلني وتكون معايا !!
دا كان جزء من حلم حلمته .. حلم باريس ..
إنها مشاعر عاشقة في منتهي العشق ..

 
 
MonTana 
[ Read More ]
Wednesday, 10 October 2012

إهداء الي أغني من عرفت

حاجات كتير في حياتي بتعدي عليا بشوفها قريبه مني وبعيده عني وحواليا .. بشوف ناس كتير بتتكرر ووجوه كتير بتنكشف و في قلوب بحسها
و بعيش تفاصيلها القلوب دي مميزه وبتجبرني احترمها
انااااااااا مش تقليدي انا مش روتيني انا احترم هؤلاء العظماء في حياتي ببساطتهم بروحهم الجميله بتواضعهم وليس بمستوي شهادتهم ولا كلياتهم ولا فلوسهم ولا املاكهم .. احترمكم جدا يا اغني واجمل من عرفت
أهديكم ورودي و حبي و إخلاصي وامنياتي بالخير والسعاده
MonTana
 
 
 
 
[ Read More ]
Monday, 17 September 2012

البقاء لله دعواتكم بالرحمه لابنة عمتي


البقاء والدوام لله انتقلت الي رحمة الله تعالي أمس الأحد 16/9/2012
إبنة عمتي ادعوا لها بالرحمه و المغفرة ويوسع قبرها بالنورو الرحمه وان ينقها الله كما ينقي الثوب الابيض من الدنس وأن يغفر لها ويصبر اهلها ويرزقها هي وابي وكل من تحبوا وكل المسلمين جنة الخلد اجمعين ويجمعنا بهم الله في الجنه برحمته وبعفوه وبكرمه الكريم العظيم يارب
اللهم امين 
 

 دعاء ادعوه لها ولأبي ولكل من أحب ولكل اموات المسلمين فأدعوه معي ليكون رحمه ونور لهم و يارب يشفع فيهم سيدنا محمد عليه افضل الصلاة و السلام و يشفع فينا و جزاكم الله كل خير
دعاء للمتوفى




دعاء الميت
 
اللهم اغفر له وأرحمه وعافه واعف عنه واكرم نزلها ووسع مدخله- إن كانت محسناً فزد في حسناته وإن كان مسيئاً فتجاوز عنه اللهم وسع في قبره ونور له فيه
ملحوظه : إذا كان المتوفى أنثى فيراعى تاء التأنيث وهاء التأنيث عند القراءة .

ربنا تقبل دعاء 
 
بسم الله الرحمن الرحيم
أحمدك ربى وأستعينك وأصلى وأسلم على خير خلقك وخاتم رسلك سيدنا محمد مسك الختام من رب الأنام القائل :

( إذا مات ابن آدم انقطع عمله إلا من ثلاث صدقه جارية أو علم ينتفع به .. أو ولد صالح يدعو له ودعا الصحابة بعد دفنهم لصحابى جليل إلى الدعاء له فقال : استغفروا لأخيكم وَسَلُوا له التثبيت فإنه الآ يُسأل )

وتنقضى الدنيا بأفراحها واحزانها وتنتهى الأعمار على طولها وقصرها ويعود الناس إلى ربهم بعد ما أمضوا فترة الامتحان على ظهر الأرض ( كما بدأكم تعودون ) يعود الناس إلى ربهم فقراء لا حول لهم ولا طول.. محتاجين إلى دعوات صالحات من إخوانهم وعشيرتهم مرفوعه إلى االحنّان والمنان .. السيمع البصير .. الرحمن الرحيم .. ومَنْ غير الله – سبحانه – يُقصد فى هذا الموقف الجلل وماذا غير الدعاء إذا دعاه ضمير مخلص ... نفع الدعاء . فليس شئ اكرم على الله منه , والدعاء نافع للمسلم سواء استجيب أم لم يستجب لأنه إذا لم يجبه الله لصاحبه في الدنيا لحكمه يعلمها سبحانه عوّضه مثوبة واجراً فى الآخرة .
 

اللهــم : يا حنّان يا منّان واسع الغفران اغفر له وارحمْه وعافه واعف عنه وأكرم نُزُله ووسع مُدخله واغسله بالماء والثلج والبرَد ونقّه من الذنوب والخطايا كما يُنقّى الثوب الأبيض من الدنس .



اللهــم : أبدله داراً خيراً من داره وأهلاً خيراً من اهله وزوجاً خيراًَ من زوجه وأدخله الجنة واعذه من عذاب القبر ومن عذاب النار .



اللهــم : عامِلْهُ بما انت اهله ولا تعامله بما هو أهله .



اللهــم : أجزه عن الإحسان إحساناً وعن الإساءة عفواً وغفراناً .



اللهــم : إن كان محسناً فزد فى حسناته وإن كان مسيئاً فتجاوز عنه يا رب العالمين .

 
اللهــم : أدخله الجنة من غير مناقشة حساب ولا سابقة عذاب .



اللهــم : آنِسْه فى وحدته وآنسه في وحشته وآنسه فى غربته .



اللهــم : أنزله منزلاً مباركاً وانت خير المنزِلين .

اللهــم : أنزله منازل الصديقين والشهداء والصالحين وحسن أولئك رفيقاً .



اللهــم : اجعل قبره روضة من رياض الجنة ولا تجعله حفرة من حفر النار .



اللهــم : أفسح له فى قبره مد بصره وافرش قبره من فراش الجنة .



اللهــم : أعذه من عذاب القبر وجاف الأرض عن جنبيه .
 

اللهــم : املأ قبره بالرضا والنور والفسحة والسرور .

 
اللهــم : قِهِ السيئات ( ومن تق السيئات يومئذ فقد رحمته ) .


اللهــم : اغفر له فى المهديين واخلفه فى عقبه فى الغابرين واغفر لنا وله يا رب العالمين وأفسح له فى قبره ونور له فيه .


اللهــم : إن ( أبى أو أمى أو ... ) فى ذمتك وحبل جوارك فَقِهِ فتنة القبر وعذاب النار وأنت أهل الوفاء والحق فاغفر له وارحمه إنك انت الغفور الرحيم .
 

اللهــم : إن هذا عبدك وابن عبدك وابن أمتك خرج من روَحْ الدنيا وسمعتها ومحبوبيها واحبائه فيها إلى ظلمة القبر وما هو لاقيه . كان يشهد ألا إله إلا انت وان محمداً عبدك ورسولك وانت اعلم به .
 

اللهــم : إنه نزل بك وأنت خير منزول به وأصبح فقيراً إلى رحمتك وأنت غنى عن عذابه آته برحمتك رضاك وقه فتنة القبر وعذابه وآته برحمتك الأمن من عذابك حتى تبعثه إلى جنتك يا أرحم الراحمين .


اللهــم : انقله من مواطن الدود وضيق اللحود إلى جنات الخلود ( فى سدر مخضوض وطلح منضود وظل ممدود وماء مسكوب وفاكهة كثيرة لا مقطوعة ولا ممنوعة وفُرُش مرفوعة ) .
 

اللهــم : ارحمه تحت الأرض واستره يوم العرض ولا تُخْزِه يوم يبعثون ( يوم لاينفع مال ولا بنون إلا من أتى الله بقلب سليم ) .

 
اللهــم : يَمِّن كتابه ويسِّر حسابه وثقل بالحسنات وميزانه وثِّبت على الصراط أقدامه وأسْكِنْهُ فى أعلى الجنات فى جوار نبيك ومصطفاك .



اللهــم : أمِّنه من فزع يوم القيامة ومن هول يوم القيامة واجعل نفسه آمنة مطمئنة ولقِّنه حجَّته .
 

اللهــم : اجعله فى بطن القبر مطمئنا وعند قيام الأشهاد آمناً وبجود رضوانك واثقاً وإلى أعلى علو درجاتك سابقاً



اللهــم : أسكنه فسيح الجنان واغفر له يا رحمن .



اللهــم : اغفر وارحم تجاوز عما تعلم فإنك انت الله الأعز الأكرام .. اللهم اعفُ عنه فإنك انت القائل ( ويعفواْ عن الكثير ) .



اللهــم : إنه جاء ببابك وأناخ بجنابك فَجُدْ عليه بعفوك وإكرامك وجودك وإحسانك .



اللهــم : إن رحمتك وسعت كل شئ وهو شئ فارحمه رحمه تطمئن بها نفسه وتَقَر بها عينه .



اللهــم : احشره مع المتقين إلى الرحمن وفدا .



اللهــم : احشره فى زمرة المقربين وبشِّره بروْحٍ وريحان وجنة نعيم .



اللهــم : احشرْه مع أصحاب اليمين واجعل تحيته سلام لك من أصحاب اليمين .



اللهــم : بشره بقولك ( كلوا واشربوا هنيئاً بما أسلفتم فى الأيام الخالية ) .



اللهــم : اجعله من ( الذين سُعدوا ففى الجنه خالدين فيها ما دامت السموات والأرض ) .



اللهــم : لا نزكيه عليك ولكنا نحسِب أنه آمن وعمل صالحاً فاجعل له جزاء الضعف بما عمل واجعله فى الغرفات من الآمنين .



اللهــم : إنه خاف مقامك فاجعل له جنتين ذواتى أفنان بحق قولك ( ولمن خاف مقام ربه جنتان ) .



اللهــم : شفع فيه نبينا ومصطفاك واحشره تحت لوائه واسقه من يده الشريفة شربة هنيئة لا يظمأ بعدها أبدأ .



اللهــم : اجعله مع ( المتقين فى ظلال وعيون , وفواكه مما يشتهون , كلوا واشربوا هنيئاً بما كنتم تعلمون إنا كذلك نجزى المحسنين ) .



اللهــم : اجعله مع ( المتقين فى مقام أمين فى جنات وعيون يلبسون من سندس وإستبرق متقابلين كذلك وزوجناهم بحور عين يدعون فيها بكل فاكهة آمنين ) .



اللهــم: اجعله فى جنة الخلد ( التى وُعد المتقون كانت لهم جزاءً ومصيرا لهم ما يشاؤن خالدين كان على ربك وعداً مسئولا


اللهــم : أنجز له وعدك الذى وعدت فى قولك و ( وإن للمتقين لحسن مآب جنات عدن مفتحة
لهم الأبواب متكئين فيها يدعون فيها بفاكهة كثيره وشراب وعندهم قاصرات الطرف أتراب
هذا ما توعدون ليوم الحساب إن هذا لرزقنا ما له من نفاد ) .


اللهــم : بشره بقولك ( وبشر الذين آمنوا وعملوا الصالحات ان لهم جنات تجرى من
تحتها الأنهار كلما رزقوا منها من ثمرة رزقاً قالوا هذا الذى رزقنا من قبل وأُتوا
به متشابهاً ولهم فيها أزواج مطهرة وهم فيها خالدون ) .


اللهــم : إنه صبر على البلاء فلم يجزع فامنحه درجه الصابرين الذين يوفون اجورهم
بغير حساب فأنت القائل ( إنما يوفـى الصابرون اجرهم بغير حساب ) .


اللهــم : إنه كان مصلياً لك فثبِّته على الصراط يوم تزل الأقدام .

اللهــم : إنه كان لك صائما فأدخله الجنة من باب الريان .
 


اللهــم : إنه كان لكتابك تالياً فشفِّع فيه القرآن وارحمه من النيران واجعله يا
رحمن يترقى فى الجنة إلى آخر آية قرأها وآخر حرف تلاه .


اللهــم : ارزقه بكل حرف من القرآن حلاوة وبكل كلمة كرامة وبكل آية سعادة وبكل سورة
سلامة وبكل جزء جزاء .
 


اللهــم : اغفر لحيِّنا وميِّتنا وشاهدنا وغائبنا وصغيرنا وكبيرنا وذكرنا وأنثانا .
 


اللهــم : من أحيَيْته منا فأحيه على الإِسلام ومن توفيته منا فتوفه على الإِيمان .

اللهــم : لاتحرمنا أجره ولاتفتنا بعده واغفر لنا وله ولسائر المسلمين . رب اغفر لى
ولوالدي وارحمهما كما ربيانى صغيرا .


اللهــم : ارحمنا إذا أتانا اليقين وعرق منا الجبين وكثر الأنين والحنين .

اللهــم : ارحمنا إذا يئس منا الطبيب , وبكى علينا الحبيب وتخلى عنا القريب والغريب
وارتفع النشيج والنحيب .


اللهــم : ارحمنا إذا اشتدت السكرات وتوالت الحسرات وأطبقت الروعات وفاضت العبرات
وتكشفت العورات وتعطلت القوى والقدرات.


اللهــم : ارحمنا إذا بلغت التراقى وقيل من راق وتأكدت فجيعة الفراق للأهل والرفاق
وقد حم القضاء فليس من واق .


اللهــم : ارحمنا إذا حُملنا على الأعناق إلى ربك يومئذ المساق وداعاً أبدياً للدور
والأسواق والأقلام والأوراق إلى مَن تذل له الجباه والأعناق .

اللهــم : ارحمنا إذا وورينا التراب وغلقت من القبور الأبواب وانفض الأهل والأحباب
فـإذا الوحشة والوحدة وهول الحساب .


اللهــم : ارحمنا إذا فارقنا النعيم وانقطع النسيم وقيل ما غرك بربك الكريم .

اللهــم: ارحمنا إذا أُقمنا للسؤال وخاننا المقال ولم ينفع جاه ولا مال ولا عيال
وقد حال الحال فليس إلا فضل الكبير المتعال .
 


اللهــم : ارحمنا إذا نُسى اسمنا ودرس رسمنا وأحاط بنا قسمنا ووسعنا .

اللهــم : ارحمنا إذا أُهملنا فلم يزرنا زائر ولم يذكرنا ذاكر ومالنا من قوة ولا
ناصر فلا أمل إلا فى القاهر القادر الغافر الساتر يا من إذا وعد وفَّى وإذا توعد
عفا ارحم من هفا وجفا وغفا وشفَّع فينا الحبيب المصطفى واجعلنا ممن صفا ووفا وبالله
اكتفى يا أرحم الراحمين ياحى يا قيوم يا بديع السموات والأرض يا ذا الجلال والإكرام
.




للأطفــــــــــال

اللهــم : اجعله فَرَطاً وذُخراً ( لوالديه ) وشفيعاً مجابا .

اللهــم : ثقل به موازينهما وأعظم به أجورهما وألحقه بصالح المؤمنين واجعله فى
كفالة إبراهيم وقه برحمتك من عذاب الجحيم



[ Read More ]
Saturday, 15 September 2012

فكره وثواب

عندك زجاجة مياة فارغة؟؟

عندك ملعقة خشب قديمة؟؟

عندك حبوب (أرز..عدس..الخ)؟؟

عندك بلكونة؟؟ أو شباك ؟؟ أو حوش ؟؟

كلام جميل .. إن شاء الله عندك ثواب كبير

فكرة بسيطة لإطعام الطيور من غير ما تنسي ان تضع لهم الحبوب كل يوم

ضعها في البلكونة أو علقها علي الشباك و شاهد الطيور تستخدم اختراعك دا

لها تأثير عظيم علي الاطفال ان كنت تريد تعليم طفلك عمل الخير و مشاهدة الطيور

فكرة بسيطة للغاية لن تكلفك اي شيء فقط جزاؤها ثواب عظيم بإذن الله عن رب العالمين

وجزاكم الله كل خير

لا تحرم نفسك من الثواب .. ان لم تفعلها ممكن صديق او قريب لك يشاهدها ويفعلها وتنال نفس الأجر باذن الله تعالى ..

 
عجبتني أوي الفكره وحبيت اشارككم بيها ..
 
اذا اشتدت حرارة الصيف
فاجعل اناء به ماء في شباك غرفتك لتشرب و تتبرد فيها الطيور


عسى ان يسقيك الله يوم العطش الاكبر

 
 
[ Read More ]

الأقنعة الطيبة

قالت شهرزاد
ليست كل الأقنعة شريرة، فبعض الأقنعة طيبة،
نرتديها حبا وليس خبثا، بعض الأقنعة نحتاج لها حذرا وسترا، وليس خذلانا وغدرا ...
**************

الأقنعة الطيبة
هي صديقنا المرافق لوجودنا
الساتر لأحزاننا،
فنحن لا نرتديها فقط كي نخفي آثار السهر
ولا خطوط الزمن، لا بقايا البكاء
ولا حتى بشاعة الحزن
*
نحن نرتديها
كي نبتسم في وجوه تحتاج إلى ابتساماتنا
في وقت نحتاج فيه نحن للبكاء ... وبشدة
*
نرتديها
كي نعاود التسلل إلى عالمهم بوجه آخر
اسم آخر وهوية أخرى
في وقت ندرك فيه مدى حاجتهم إلى وجودنا
بعد أن طعنوا الوجه الأول والإسم الأول والهوية الأولى
*
نرتديها
كي نكون أول من يلبيهم عند الحاجة
واول من يسترهم عند العرى
وأول من يُدَثِرُهم عند البرد
*
نرتديها
كي نكون الأقرب إليهم وقت تخبطهم
والأصدق معهم وقت حيرتهم
والأخلص لهم وقت محنتهم
*
نرتديها
كي ننزع بها خناجر الغدر من ظهور عزيزة علينا
في وقت تتمرجح فيه خناجر خذلانهم
في ظهورنا
*
نرتديها
كي نزرع دروبهم باخضرار الأمان
ونسارع ببياض المواقف لهم
وأعماقنا ترتجف رعبا من سواد مواقفهم
*
نرتديها
كي نُثَبِت صورهم على جدران التاريخ بقوة
في وقت، يهزون هم صورنا على جدران التاريخ بقوة أشد
*
نرتديها
كي نبدو أمامهم بكامل قوتنا... وكامل شموخنا
في وقت ننزف فيه الصحة
وتنزف فيه الروح ببطء
*
نرتديها
كي تحتفظ التفاصيل بعطرها والرسائل بحبرها
والمشاعر بصدقها، والصور بألوانها
والأحلام بقيمتها... والعِشْرَةُ بقدرها
*
نرتديها
كي نستتر من أعين كبريائهم،
ونحن نلقي بقلوبنا أطواق نجاة لهم
وموج الوقت يعلو فوقهم وتحتهم ومن حولهم
*
نرتديها
كي نساهم في سقوط أمكنة أحببناها يوما
وكي لا نسبب اقتلاع شجرة عريقة
أوت عصافير أحلامنا يوما كوطن ... أكثر
*
نرتديها
كي نتقن فنون الصمت حين يمزقنا غيابهم
وحين تمتد غابات الفراق بيننا وبينهم
فلا نناديهم بصوت فاضح مسموع
*
نرتديها
كي نتظاهر بالقوة حين يكون حلمنا أقوى من ظهورنا
وهمنا أكبر من قلوبنا ...
وقاماتنا أضعف من قدرة الوقوف
*
نرتديها، نرتديها ونرتديها

وبعد أن أرعبنا الواقع
احرصوا على اقتناء الأقنعة الطيبة
واحملوا الوجوه المتعددة في جيوبكم
فنحن في زمان يضيع فيه أصحاب الوجه الواحد
[ Read More ]
Friday, 14 September 2012

كل عيش

مقال اعجبني للغايه لعمر طاهر .. يسعدني أن يقرأه كل راقي يحترم المراه

http://www.dostorasly.com/columns/view.aspx?cdate=28082012&id=2aba3143-2490-4606-99fc-4b385c1e2b27
[ Read More ]

وجودك .. حياة وأكثر


يُحبُّ هُوَ هداياها البسيطة ..
الإبتسامات التى تَضعها بِخفة على وجهه ..
ابتساماتها هىَ نَفسها رغم فرط بساطتها وبرائتها ..
استجابتها لمحاولاته البِدائية لإضحاكها ..
ضحِكاتها الرشيقة بِصوتها الخافت ..
نِصف ملعقة سُكر زائدة عن عادتِها فى كوب شاي بالحليب...

 وَضعتها ارضاءاً لهُ..
مُساعدتهِ فى إختيارِ كل شئ لا يُجيد انتقاءَه ..
وُجودها ذاته ..
كانَ كُلُّ هذا يعنى لهُ .. حياة..
وأكثر...

أحمد سليمان .. اعترافات ذكر .. مما اعجبني وامنت به
Monty

 


[ Read More ]

يارب


[ Read More ]

من صفات حبيبي وشفيعي سيدنا محمد

من صفات حبيبى وشفيعى
وقرة عينى محمد ابن عبد الله
رسول الله علية افضل الصلاة والسلام
 

[ Read More ]

جمعه مباركه

جمعـــــــــــــة خيـــــــــــــــر للجميــــــــــــــــع أكرمكم الله بخيرها وبساعة الأستجابة إن شاء الله


واللهم صل وسلم وبارك على سيدنا محمد وال بيته وصحبة أجمعين ليوم الدين


لا تنسوا سورة الكهف أثابكم الله
يارب لا ترد لنا دعوة بالخير و ارزقنا الهخير من حيث لا نحتسب يارب ارح قلب احبه و بارك لنا في ابائنا وارحم امواتنا اللهم امين

http://www.youtube.com/watch?v=ud70L_oZehU&feature=share

[ Read More ]
Thursday, 13 September 2012

النساء في دوله الحب ثلاث

النساء في دولة الحب ثلاث
 امرأه تحب بعقلها ..وهي امرأه لا تحب ولا تعرف الحب
وامرأه تحب بروحها وهي امرأه تسعدها الكلمة وتشقيها
وامرأه تحب بجسدها فادعوا لها لانها سرعان ما تجعل حياتها رمادا
 
[ Read More ]

فقط كلمات بادرت ذهني


نحن نحب من نريد أن نحبهم مهما كانت تصرفاتهم ..هذه هي الحقيقة .. ألم تر في حياتك أماً يتميز إبنها بالفشل والدمامة والضياع .. ولكنها رغم ذلك تؤكد للجميع أنه أفضل إبن خلق على وجه البسيطة ، بل وتشعر أنها مقتنعة بذلك تماماً؟
 هل قابلت في حياتك شخصاً يحب طرفاً آخر لا يناسبه .. ورغم ذلك يتجاهل نصائح الناس ، ويستمر في العلاقة ؟ هذه هي الحقيقة .. لو أردنا أن نحب شخصاً ما سنحبه .. ولو أردنا أن نكرهه فسنكرهه.

هذا الموضوع إرادي تماماً ..ويمكننا التحكم فيه.. من الممكن أن نتقبل شخصاً ما ونتوقف عن كرهه لو قررنا هذا ..

السبب هو أن الكراهية ستدمر حياتك ، وتملأك بالمشاعر السلبية التي لا تريدها لنفسك .. الحب إختيار ، وكذلك الكراهية ..
فكر في الأمر .. لو كرهت شخصاً ما ، فأنت تعطيه القوة ليسيطر علي حياتك .. ستجعل صورته لا تفارق ذهنك كما أن الكراهية لن تجعلك تغير الوضوع ولن تجعل حياتك أفضل

الضعيف لا يمكن أن يسامح .. فالتسامح من صفات الأقوياء

 
[ Read More ]
Saturday, 5 November 2011

عيد أضحي سعيد ..احلام و فرحه

كـُل مآ إًتمنآه
أن يـَكوُن صـَوتـٌكِ هُو َ إًوّل مآ إًسمـَعُه

:$|~ فِي صـَباح العـِيد ..
كُـلْ عْآآم و أنّتمْ~ بِخَيْـرْ , ,

كان نفسي أعمل بوست من زمان وقبل العيد بس حبيت أقولكم وحشتوني جدا جدا و بعتذر عن غيابي عن الرد وعن متابعة عالمكم الجميل يا أجمل مدونين بتمني لكم عيد سعيد واحلام جميله تتحقق فيه و يجمعنا الله سبحانه وتعالي علي جبل عرفات ونحن تائبين مغفور لنا ويجمعنا جنة الخلد اجمعين اللهم امين
كل سنه وانتم طيبين

[ Read More ]
Friday, 2 September 2011

حكاية العيد .. الجيش والشعب بيلعبوا مع بعض

زي أي إنسان عنده مشاعر وأحاسيس شاركنا فرحتنا في عيد الفطر المبارك ..
لأول مرة .. ستاد المنصورة ستاد بلدنا ..

يتبني رعاية فِكرَة إيفنت ترفيهي للأعضاء وذويهم وإتاحة فرصة مشاركة الأطفال فرحتهم في ليلة عيد
بحرب مسدسات الماء كفكرة جديدة من نوعها في المنصورة ..

وتجربة لتطوير أنشطة ستاد المنصورة في كل المجالات..

الفكرة إننا إتجمعنا بعد صلاة العيد مباشرةَ وإنتظرنا خِلو الإستاد منَ المُصَلِين و بنظام راقي قدم كل واحد فينا الرقم الكودي الخاص لدخوله النادي الاجتماعي للمشاركة في لعبة حرب مسدسات الماء .. والتبرُع بمبلغ رمزي وقدره 5 جنيهات
حد أدني قابل للزيادة في حدود مقدرة كل مُشارك ..
ممكن الصوة دي تتنشر علي النت بسرعة انتشار صورتنا مع المجند الجميل!!
الفكرة مُبادرة ناجحة بتعاون مجلس إدارة ستاد المنصورة الجديد و أعضاء مجلس الادارة بمشاركاتهم الإيجابية مع أعضاء ستاد المنصورة ..
خصوصاً إن الايفنت حصل
في نفس اليوم مع إيفنت حرب بمسدسات الماء في الكوربة وردود المشاركين في الايفنت افادت بظهور أكتر من مشكلة سلبية أثرت علي نجاح إيفنت الكوربة
شوف دي
أضغط هنا

بإختصار إيفنت الكوربة واجه مشكلة تعدي حدود اللعبة من بعض المشاركين و تناوبوا برشق بعضهم بالطماطم و البيض وإثارة الشغب في المكان و إيذاء المارين وتخريب السيارات .. وظهور غير حضاري بعدم احترامهم للفكرة الظريفة دي

الحمدلله .. علي العكس تماماً وجدنا منتهي الرقي في إيفنت ستاد المنصورة بمشاركات الأعضاء وتراحمهم مع بعض ومشاركة الاطفال والصور تتحدث عن نفسها

ماجد أخويا بيلعب مع البنوتة الصغيورة والسعادة في عيونها وهي بتغرقه بالماء
تكوين أكتر من فريق منافس .. وهنا يظهر فريق السييييل عوااااا
وهنا مثال جميل لتسامٌح الدين الإسلامي الراقي ليكون درس للمتعصبين الإسلام دين تسامح وتراحم ورُقي .. بمشاركة صديقي أ.أحمد عادل .. اللعب مع الاطفال والكبار ورسم إبتسامه علي الوجوه بصورة تذكارية جميلة زي دي

علي الرغم من التصويت في موقع الأستاذ / عمرو خالد

أضغط هنا وأعمل لايك للصورة في مسابقة التصويت
إلا أن الصورة مانتشرتش بسرعة إنتشار صورتنا مع الجندي المحترم
وهنا صورة بتجمعنا مافيش فرق بينا ولا مسلم ولا مسيحي ولا شرطي ولا مجند


زي أي إنسان عنده مشاعر وأحاسيس شاركنا فرحتنا في عيد الفطر المبارك ..

حبينا نشارك مع بعض فرحة العيد زي ما الشعب كله متصور مع الجيش بعد الثورة ورافعين شعار الجيش والشعب إيد واحده ..


ماشوفتش حد قال عن الصورة الروعة دي الجيش حنين علي أطفال الشعب !! after the revolution in Egypt, the Army was so admafter the revolution in Egypt, the Army was so admired by the people that everybody wanted to take a photo with any army entity .. Thnx Mohamed Hakim

صورنا في العيد كلها ماتختلفش عن الصور الجميله هنا .. إلا أن في ناس هاوية تألف وتتوقع حاجات و تكبر حاجات وتصنع منها مشكلة كبيرة من لا شيء .. إيه اللي أختلف يعني أن إحنا رفعنا الصورة دي قبل بقية الصور العادية مع العساكر؟

وللمعلومة الجيش بيماك حكمة تفهم الصورة الجميلة .. وليس بالسطحية التي تجعله يعاقب عسكري لم يذنب بمشاركته فرحة المصريين .. وممكن يكون دلوقتي في مكانه وميعرفش بكل الضجة اللي اتعملت علي صورته وواقف خدمته
بيبسح الخالق الكريم

في مقولة عجبتني بتقول
الحياة قد تصبح رائعة إذا تركك الناس وشأنك.
لـِ شارلي شابلن


*** *** *** *** *** ***

الجندي المحترم .. الشاب المصري الجميل ..
قابلته من أسبوع أثناء رجوعي من القاهره بعد لقاء المدونين وزيارة مستشفي أبو الريش الياباني للاطفال .. أتعرفت عليه أنا وأستاذ وليد الزهيري
( مدونة عارفة مش عارف ليه )
وعرفت أنه من القاهره وجيشه في المنصورة و كان كله سعادة ورضا بكونه جندي مصري زينا بيخدم بلده بكل إمتنان


* إنسان محترم جواه حب لبلده ومسلم امره لله و راضي بنصيبه ..

* علي وشه ابتسامة ورضا رباني جميل .. وكل كلامه سيبها لله ..

* إتسحرنا سوا ووصلنا المنصورة وسلمت عليه وسعدت بمعرفته علي وعد بلقاء ..


وجمعتنا الصدفة من جديد .. بعد نهاية الإيفنت الجميل .. شاركنا رئيس مجلس الادارة بالتقاط الصور بروح العيلة الواحدة وأعضاء مجلس الإدارة معانا روح واحدة و البنوتة الصغيورة فرحت بصورتنا مع المدرعة و العسكري بيبتسم حوالينا بفرحه

العسكري دا انسان زينا ..عنده مشاعر وأحاسيس بيحس و بيفرح وبيزعل وعينه بتسهر طول الليل وفي عز البرد واقف علي رجليه بيقول مليون تمام عشان متغفلش عين زمايله ولا عينه عن حراسة أمننا أمن مصر ...

عيناه التي وعده الله سبحانه وتعالي لا تمسهما النار يوم القيامه ..


شيء طبيعي رفعنا صورنا علي النت وإحنا فرحانين بمشاركتنا صحابنا فرحتنا بالعيد وبنثبت للعالم إننا متراحمين و إيدنا واحدة و زي ما بنقدر نشارك بضمير في عملنا و بنتعب في شغلنا و بنقدر نقول للظلم لأ في ثوراتنا.. وبندافع عن حقنا .. بنقدر نشارك الطفل فرحته في عيدنا وبنعيد ذكريات الطفولة بشكل لطيف من غير ما نهدر كرامتنا أو نقلل من نفسنا بمشاركة سلبية لا قدر الله .. بنشارك بحب بلمسة بسيطة بزيارة الأطفال في المستشفيات و بالتبرع لاخواتنا في الصومال ..

عشان كدا حبيت أعمل النوت دي وأقولكم الحقيقه المثيرة للجدل ..
حبيت أحكي الحقيقة قبل ما يفتي فيها من لا يعلم وتسمعوا حكاية العيد المنتشرة علي الفيس بوك في ثواني ..

وعارف إنها هتنزل في المجلات و هتتكلم عنها الصحف ومش بعيد نلاقيها الصفحة الأولي في جرائد مشهورة وتشارك في البرنامج الناجح للدكتور / باسم يوسف ..حقيقي بتمني لإحترامنا لفكرته وعرضه للرأي والرأي الاخر

بروحه الجميلة وبدون تفكير سطحي ..

بنشكر الثورة اللي عرفتنا علي ناس جميلة زي دكتور باسم

*** *** ***
العسكري المٌخلص دا استأذناه يتصور معانا صورة بشكل مختلف صورة فرحت ملايين القلوب في الدنيا .. رغم بساطتها.. مكانش واقف خدمة ولا كان شايل سلاحو اتخلي عنه لأي سبب زي ما بعض الناس فاكرين.. شوفناه مبتسم وفرحان من بعيد..قربنا نتصور جمب المدرعه و شاركناه فرحتنا ومسكناه سلاحنا و بعفوية كلنا مثلنا دور الأسري وإحنا مبسوطين بشجاعة الجندي المصري قدام أي عدد ولو حتي بمسدس ماء

بسرعة بديهة قام صديقي الغالي / صلاح سليم .. بعدسته الأنيقة بالتقاط صور بتضفي رونق جمالي رائع لينا

صلاح سليم ابن عم شهيد ثورة المنصورة / محمد جمال سليم ..
شهيد قدم حياته هدية لمصر عشان نعيش الحرية

أحب أقولكم ماتدوروش علي الحُرية طول ما أنتم بتحكموا علي أي حاجة من غير
ما تسمعوا ..

في لحظة إتحولت فرحة العيد لصورة بتتنقل في المواقع والمنتديات و علي الفيس بوك وكأنها حدث لم يسبق له مثيل .. والشعب المصري خفيف الدم إنهال بالتعليقات علي صورتنا ولسان حال الناس صعبان عليهم العسكري اللي اتعرض فجأه للتهديد لمجرد انه شارك في صورة فرحة بالعيد

الصورة إنتشرت بصورة غريبة و التعليقات منها الطريف ومنها الفرحان ومنها اللي فاهم غلط وفاكرها ضيعت مجد الثورة ..


..فاجئني أصدقائي المدونين اليوم بمبادرة المجلة الجميلة

كلـمـتـنــــــــا

أول مجلة راسلتها من سنين وسعدت بتعرفي علي فريق العمل بيها ودعوة افطار رقيقه مع الفنان شريف منير في النايل سيتي من سنين

ويجمعنا الصدفة اليوم مره تانيه.. بمقال مختصر عن الصورة وصفوها فيه انها اثارت جدل ؟ طيب ليه؟

أضغط هناااا

دا مش أول ولا أخر واحد من الشعب وجندي مصري أصيل بيشارك بفرحة العيد

*** *** ***

واحد داخل بيعلق عليها في جروب المزاريطة وبيقول الصورة دي قديمة أوي مع انها مكملتش 4 أيام :))

يعني إيه كوكاكولا زيرو؟ يعني تتصور مع صحابك في أول يوم العيد مع المدرعة والعساكر وييجي واحد يعمل كومنت في جروب ويقول الصورة دي قديمة أوي وانا اللي مصورها ههههه

أضغط هنا

و هنا واحد بيتحسر علي الثورة وفي دماغه ان الصورة لها نواحي سياسية ماشاء الله راجل غاوي تأليف مخدش باله أن الثورة وأي نجاح بإيد ربنا سبحانه وتعالي ..

في جروب بورتو طره من أجلك أنت

أضغط هنا

وفي جبهة التهييس الشعبية كمان
أضغط هنا

كلنا فاكرين فرحة الشعب بالجيش أهله وناسه و حبايبه بالروابط دي
وفاكرين كمان محاولات إستغلال كلمة السر مصر .. في إننا نقع في بعض لمصالح الاعداء والمصلحة الشخصية للفئويين
أضغط هنا

*** *** ***
بس مش ناسيين الصورة دي .. وزي ما الجيش بيدي الأمان لمصر .. بيدي الحنان لأهل مصر .. وبيكون حازم مع كل مقصر و غادر .. وأكيد بيدي الرحمة لقلوبنا بحكمة ..
ومتفهم الروح الجميلة في الصور ..
وكانت مشاركاته إيجابية في مشاركة الفقراء والمحتاجين بموائد الرحمن في رمضان


وأخر مشاركة لبوست فاتيما .. الجيش بيلعب فيه وبيشارك في دورات رمضانية

معلش بقي يا فاتيما مافيهاش حاجه نلعب بدام مش في أذي لحد


دي مصر ضحكة طفل بريء .. حافظوا عليها
دي مصر .. وردة وشعب وشرطة وجيش .. إهدوها حبكم

دي مصر .. أنا وإنت إيد واحدة وفي إيدينا وردة

دي مصر .. المستقبل .. إرسمه أحلي بايديك
دي مصر .. كلنا إنسان .. بنفرح و بنزعل وبنلعب و بنحب.. نقوم نحاسب إنسان محدش حاول يحاسبه غير حكمكم عليه لمجرد إنه فرح في صورة ولعب مع الشعب؟ :))
العسكري دا مغلطش أنه شاركنا فرحتنا بالعكس دا فرح قلوب ملايين و كلنا واجب علينا نشكره ونشكر كل مواطن و فرد عسكري و شرطي بيعرف إزاي يسعد اللي حواليه بحاجة بسيطة زي دي

الصُور الجَماعيّه .. بهًآ شَخصٌ مفقــوُد . . . ! دآئمُآ يتنآزَل عنً مكآنٌـهٌ ...
لـ ِ يلتـقٍط ألصُورٍة . .
شكراً .. صلاح سليم

ويبقي سؤال .. أترك إجابته لكٌم
ده عسكري بسيط وبيتعامل بحسن نية مع الشعب لمصلحة مين تتقلب الدنيا فوق دماغه ويبقي التركيز كله انه لابس ميري ؟
أنا شايف إن الصورة بتعبر عن شجاعة الجندي المصري وبجد العسكري شكله يفرح

وهو ماسك بندقيته بكل شجاعة وشموخ ..


شكراً للقوات المسلحة و الشرطة المحترمة والشعب أساس الجيش والشرطة أخواتنا

شكرأً للجندي الجميل اللي إتصورنا معاه وأنت في أمان الله

يعني كلنا مصر .. شكراً للمصريين وحبايبنا في كل مكان


وكل سنه وأنتم ومصر والناس الطيبة كلها بخير

MonTana Master Of Love
[ Read More ]