حب ... بلا فلانتين!!

كـل يـوم وانـتـم بخـيـر ... بوكيه ورد الاسم الجديد لمدونتي ... عجبني اوي احساس اسم مدونة كل مدون قابلته في لقاء المدونين الخميس ال فات في مكتبة
ع المشايهBook & pens
عشان كدا وبكل حب لاقيت ان بوكيه ورد هو الاسم المناسب لمدونتي فبوكيه الورد له علاقات كتيره في حياتي ... و نفسي بجد اعمل موضوع كبير عن الورد و فوايده و عوامله النفسية علي كل ال بيشوفه ويستخدمه كوسيله للتعبير عن مشاعر الحب القويه
يعود اليوم ذكري جديده بيحتفل بيها كل العالم بنفس المشاعر ونفس طريقة التعبير عن الحب
انها ذكري اعدام القديس " فلانتين " ال تم اعدامه بامر من الامبراطور الروماني كلاديوس في 14-2-270 م
عقوبه علي رفضه لاوامر الامبراطور بعدم عقد قران بين أي رجل وأمراه لاعتقاد الامبراطور ان زواج الجنود بيضعف منهم و من ادائهم و اهتماهم بالدفاع عن بلدهم في الحرب ... علي اساس ان كل واحد هيفكر في مراته وعياله فمش هيحارب و هيروح يموت جمبهم ... هو كان بيفكر كدا!!
والقديس فلانتين كان بيعقد قران الراغبين في الزواج سرا في الكنيسة !!
ودفع حياته ( كما يزعمون ) تمن لانتصار حق الحياه والحريه و السعاده والحب بين الناس وبين كل ال بيحبوا بعض وكل ال حابين انهم ياسسوا حياه مبنيه علي الحب ...
وعلي هذا جعل يوم استشهاد القديس فلانتين عيد وطني عند الرومان
ولظروف معرفهاش انتشر العيد المزعوم لحد ما دخل مصر ... وبدء المصريين يحتفلوا بيه من حوالي 15 سنه ومكفهمش عيد واحد لا دا كمان بنحتفل بيه مرتين في السنه عشان نفكر الناس تحب كل ما تبدأ تنسي و تجري ورا همومها وانتشر الاحتفال بيوم الحب كعيدا يوحد المصريين لاول مره في يوم واحد لا يرتبط بالاديان السماوية

يجمع بين المسلم والمسيحي لانه يحث علي الحب

ونسينا ان

اعيادنا الشرعيه التي وهبنا الله اياها هي اساس الحب والتواصل بين الاهل والاصدقاء والترابط بين الاديان

جميل ... جميل ان نوحد علي مبدأ الحب ... لان بانتشار الحب لن نجد حروب ولا مشاكل ولا احزاب

ولكن تحت اي مسمي نحتفل بالحب؟

وعلي حد علمي وليس اكيدا ان صاحب فكرة الاحتفال بعيد الحب هو نفس صاحب فكرة الاحتفال بعيد الام في مصر ... لانها كانت برضه فكره غربيه واتنقلتنا ... جميل اننا نجد يوم للتعبير عن حبنا القوي لامهاتنا بس ميكونش بسبب واحده زي الفلانتين ونقتدي بيها ودا ال انا عاوز اتكلم عنه

عــيـــد الـحـــب

اللي بيقولوا عليه عيد العشاق

اكتر المستفيدين منه محلات الهدايا والورد ودي حاجه جميله بدام مش بيشتروا حاجه غلط و تلاقي الناس عماله تشتري قلوب حمرا و ورد احمر و بلالين هيليوم وسبحان الله تلاقي الواحد بيصرف اد كده في اليوم دا علي الهدايا ورسايل الموبايل المليانه حب وينسي اهم حاجه في الحب يعني لو كان اتصدق بشويه من الفلوس دي لحد فقير مش دا حب؟!!

طبعا معظم ال بيحتفل باليوم دا هما الشباب ال علي علاقه صداقه فقط ولا تربطهم علاقه شرعية او ع الاقل خطوبة

فتلاقي في الجامعه من الصبح الهدايا رايحه جايه وكانه معرض للهدايا بجميع اشكالها ... وكمان في وسط الحرم الجامعي تلاقي ال ماسك ايد حبيبته و هي مسهمه اوي بلا حياء وسايباله نفسها خالص اصلها بتحبه

بس متعرفش انه لو قبل دا عليها واتجوزها يبقي انسان ديووووس و مبيخافش عليها ولا بيحبها اكتر من انه بيلمس ايد وبيحس حاجه حلوه مع واحده حلوه مش بتاعته لوحده

وباليل لما تطلع ع المشايه وتلف وتلاقي اللبس الصواريخي والالوان الحمرا و البنات مبسوطه اوي بالمعاكسات اليوم دا ... لازم يتبسطوا دا اليوم الفري و عشان الفلانتين ميزعلش في قبره منهم ... اكيد في ال ممكن يحيي ذكراه في ليله زي دي بزواج عرفي زي ما بيحصل كتيرمن شباب الجامعات المعروفه بلا ذكر اسمها

ال بيجاهد في سبيل الله ويموت بيتسمي شهيد و هو ودرجته عند ربنا سبحانه وتعالي لكن ال يموت عشان واحده ست يتسمي شهيد ليه؟!

الدنيا بتلف وبتعيد اكذوبة روميو وجوليت بس في صورة الفلانتين ... طيب هما ليه صحيح معملوش عيد لانتحار اتنين ماتوا علي الكفر واحنا بناخد منهم القدوه و ضرب المثل في الحب ؟

انا مش عايز انافق احنا كنا ومازلنا نحتفل بهذا اليوم و اكيد كل واحد بيحتفل بيه بنيته ... المهم ان اليوم دا منحتفلش بيه عشان الفلانتين !!

الحب دا اسمي مشاعر في الوجود ومن غيره طبعا ما نقدرش نعيش انا خاصة ما اقدرش اعيش من غير ما احب الحب بمختلف انواعه خاصة الحب اياه دة ;)

المهم هو اننانحب صح ايه رايكوا في اننا كمان نحب بطريقة ما تغضبش ربنا سبحانه وتعالى؟

كمان شرعيا نقدر نحتفل بالحب النهاردة وبكرة وكل وقت دينا الاسلامي بيامرنا بكدة نتهادى ونتحاب كمان

لكن ما ينفعش نقول لبعض هابي فالنتين داي ده شرعيا حرام لكن ممكن نقول كل حب وانت بخيرايه رايكم؟

جميل اننا نخلي كل يوم لينا عيد للحب ... ولكن بلا فلانتين

ولكلامي بقية ...

ورجعنا تاني !!

ورجعنا تاني .. شوقي ليك خلاني انسي اي بعاد ما بينا وكل يوم عدي

ورجعنا تاني فيه حاجات وحشاني فرحه كنت خلاص حبيبي نستها من مده

كل ما فيا كل دقه في قلبي ليك ... صعب عليا انسي الشوق ال في عينيك

دا انا فرحتي تكمل بلؤاك

سنتين بعدت فيهم عن المدونات وعن اهلي وعن اصحابي بجسدي ولكن الحمدلله لم ابعد باحساسي طول فترة الجيش ... والحمدلله خلصت علي خير من شهر و 24 يوم ورجعت تاني باحساسي و جوايا كلام كتير عايز اقوله وربنا يعنيي

وبالصدفه قريت اكتر من مدونه عجبتني و كانت اخرهم مدونة (ام العيال) ال كتبت فيها تعليق هنقله هنا بالنص فيه شوية فضفضفه مع نفسي لحاجات جوايا نفسي ترجع زي زمان

وياريت لو هتقروها تسمعوا معاها ... حاجه هاديه او اغنية اصعب احسساس لتامر حسني لايقه ع الكلام اوي

:)

والنهارده بعد سنتين من كتابة اخر مدونه ليا باليوم ... بتمني يارب لو ليا عمر اكتب اكتر واقدر اطلع كل ال جوايا من غير ما اجرح حد ولا ازعل حد مني ... يارب

ودا كلام( ام العيال ) ال هيليه تعليقي

ليه لما ربنا يدي واحد غلبان سابقا شويه فلوس و لا سلطه يتحكم في خلق الله يروح جايب طقم سكرتيرات الي همهو يجيب موبيل احدث موديل مايعرفش فيهحاجه بحيث انو مابيعرفش يدوس فين علشان يفتحه اويقفله و المصيبه يجيب موظفين خريجين جامعات محترمه بيتكلموا لغات و ولاد ناس قويعلشان ايه؟؟؟؟؟؟علشان عقده النقص !!!!! ازاي يعني؟علشان يبهدلهم ايوه بيهدلهم عقده النقص الي جواه انو اقل مهم ما تعلمش و لا شاف دنيا ولسه امبارحاول لما شاف الميت جنيه اغما عليه من ذهول الموقفطب ربنا حكمته كده و هو لما كان فقير مش زنب ولاد الناس انو كان بصعب عليهم و بيدولو هدوم او يقدمو معونه يقوم لما ربنا يفتح عليه يبهدلهم بينتقم علشان يحس انو هو كده احسن منهم الظلــــــــــــــــــــــــــــــــمه و دا الظلم و هي دي علامات يوم القيامةالرسول صلى الله عليه و سلم قال انه من علامات يوم القيامه بما معناه سوف ياتي على امتي يوم يتطاول فيه الحفاة العراه تخيلو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟مش الكل طبعا بس كتير قوي و مجتمعنا مليان ايه العمل نتنازل علشان نعيش ولا لأ ولأ ولأ اهلنا معلموناش و صوفو دم قلبهم و علمونا الادب الاولعلشان نتبهدل علشان بدل من نقول مستر فلان نقول المعلم فلانبدل من نقول نعم نقول ايهبدل من نقول حاضر نقول ماشيو البدلات كتيرانا قلت لأ لأ لأ لأانا استقلت اليوم ليه علشان البيه المدير العاممع شديد الاحترام لجميع المهن و الحرفكان بيدق مسمار في فيلة واحد خليجيقوم ايه البورصه ضربت اليوم ده وكسب اتفائل به و فتحلوا شركه رأس مالها اكثر من 70 مليون جنيه و سافر و تركلوا الجمل بما حمل لابيه المدير ما بيعرفش يقرا و لايكتبو مالوش في الاداره بيعرف يدق المسامسر بسراكب النهارده 3 عربيات وعندو بودي جاردات وفيلا ماشاء الله يقوم بيهدل فينا احنا علشان و لاد ناسهو دا ذنب رفضت علشان كرامتي ما بتسمحليش ازاي اعترض احنا حنخفض الكام ملطوش الي انا بخودهم علشان الميزانيه مخرمه ال هو عارف ميزانيه دي يعني ايه واحنا .....كم كلمه كده قعد يحفظ فيهم 3 ايم وقالهم متلخبطين في الاخرطيب الاستقاله هي الحل و تخيلو مكافات نهاية الخدمه كام مش حتصدقو200 جنيه طبعا رمتهم في وشو و اديتو دش بس بكلم مينماهو واخد على التهزيق من ايام المسمار!!!

ودا كان ردي
Montana Master Of Love يقول...
الموضوع بسيط و طبيعي جدا انه لازم يتغير ... كان في مره اصحاب بقالهم 12 سنه مبيفترقوش عن بعض ... كان من حبهم لبعض مكانوش ابدا يفترقوا الا ساعة النوم ... وكمان القدر جمعهم في فصل واحد و في نفس الصف و في نفس المستوي ... ومنهم ال كان في مستوي دراسي تاني بس برضه كانوا ليهم ميعاد لازم يعدوا فيه علي بعض ... وحتي ال كان بيتغير كان بيتغير بنفس الطريقه ال اتغيرها التاني ... كانها سيمفونيه جميله بتتعزف علي ارق الاوتار ... واحلي حاجه بقي انهم مكانوش عيال اشقيا ... ولا عمرهم شربوا سيجاره ولا حتي فكروا يجمدوا قلبهم و ( يسترجلوا ) زي ما الشيطان بيقول ويشربوا بيره والحاجات ال زيها ... ياريت علي اد كده وبس دا حتي مكانوش بيشجعوا بعض يكلموا بنت ولا يعاكسوا بنوته حلوه ماشيه ف الشارع ... يا سلام علي الايام دي ... ايام حلوه بجد فكرتيني بيها من كام كلمه قرتهم في المقدمه بتاعتك ... وكمان قوتيني ان اكتب ال جوايا من غير ما اخاف لما قريت عشقك وادمانك للقرايه ال بعاني منهم وبدمنهم برضه ...علشان كدا انا هكتب ومش هبطل اكتب ان شاء الله و هاخد كلامي هنا كوبي وهعمله بيست في مدونتي المهمله من احتواء كلماتي واحاسيسي المحبوسه ورا اسوار قلبي ... هتكلم و مش هيأس عشان مبسمعش صدا صوتي ... و هقول ال جوايا عشان ارتاح ... انت بتقولي ليه لما ربنا بيدي واحد غلبان سابقا شوية فلوس ولا سلطه يتحكم في خلق الله؟ !!يروح يجيب طقم سكرتيرات ال همه ويجيب موبايل احدث موديل ميعرفش فيه حاجه ؟! وكل دا عشان عقدة النقص ال جواه وعشان يبهدلهم وينسي انه في يوم م الايام كان ممكن يفضل اقل منهم وميوصلش حتي لحلم جميل في منامه يطلعه م ال هو فيه !!الكلام ال هقوله مالوش علاقه بال حصل معاكي يا ام العيال ... بس فيه معاني مرتبطه بال عايز اطلعه من جوايا ... لما حد يكون متعلق بحد اوي ويبعد عنه مره واحده والاحساس دا ييجي من حد مكنش صغير وكبر فنسي انه كان صغير فنسي ال حواليه لا ... دا كان زينا و لسه زينا بس عرف ناس فوق شويه مننا عربيه و نادي و بنت حلوه زي ال بيطلعوا في الافلام !! تضحك ضحكه تشد وراها جيش يحرر فلسطين ... بنت مبتتكلمش معاهم رغم انهم بيضيعوا حياتهم ووقتهم وتفكيرهم عليها هي وغيرها !!!

ما انا قلت من واحنا صغيرين واحنا كدا مبنحبش نعمل كدا ومتربيناش اننا نبقي عيال جريئه ونثبت حد ونتعرف عليه رغم اننا قادرين نعمل دا ... بس مش عايزين :$

ويوم ما واحد كان يحب يهدي ورده ... مكنتش بتتهدي فيس تو فيس ... اخرها حركه مجنونه من شباك عربيه ماشيه ع ال 80 و المرتب ال كان يادوب ييجي وكل واحد فينا مع انه مصرف ساعه ما يشوف هديه حتي لو غاليه بيدفع فيها ولو فوق المرتب في دبدوب

Russ

او في بوكيه ورد بيتكلم عن طريقة شعورنا و نية احساسنا

العلاقه في كلامي وال مزعلني وماثر فيا لما الحد ال عاش معانا سنين علي حلونا ومرنا وكل الطباع بينا تعتبر واحده و فجأه وبدون اي مقدمات ومن غير ما يدق مسمار يطلع فلوس في البورصه!! يبعد عننا و يتبري مننا و لما يشوفنا كانها صدفه حلوه وسلام ع الماشي وكل واحد بيروح لحاله ... مع ان كل واحد كان حاله هو حال التاني ... وكل يوم كان ابسط حاجه مكالمة صغيره بتطمنا علي بعض ومكنش حد يهرب من حد ويعمل مش واخد باله عشان عرف حد تاني مجنط سبور وازاز فامي وساوند سيستم وكمان بيعرف يتكلم مع الجنس اللطيف بسهولوه ويدخل النادي برضه بسهوله !!!

ليه ؟

ليه الواحد بيتغير لما يعرف حد جديد معاه شوية حاجات حلوه في الدنيا بتروح وتيجي ومتجيش حاجه من حياه تانيه بتتعاش في الاخره لكل ال بيتقي ربنا في حياته ( يارب اجعلنا جميعا من المتقين واقبض روحنا واحنا علي طاعتك امين ) ليه واحد يهمل صحبه و يحسسه انه غريب لما يكون معاه ويتعمد انه يحسسه انه مش مرغوب فيه بس بطريقه محترمه ومؤدبه ما هو مافيش طريقه اتعلم يتعامل بيها غير دي !!

وكل دا عشان واحد لبسه مش الاستايل ال يليق بالشكل ال راسمينه شباب النوادي...و مبيعرفش يمشي علي بروتوكول خلي بالك من كلامك ادام البنات ال معديه دي ؟! !

ليه بقي نفس الشخص ال بيهرب من صحابه بطريقه مؤدبه بعد صحوبية 12 سنه ... يعرف ان واحد من اصحابه القدام عرف ناس جديده في النادي وبنات بقي ... يرجع يعدي عليه ويسال عنه ويقوله ايه يا عم انت مبتجيش ليه ؟

الا صحيح هو انت مبتجيش ليه ابقي خلينا نشوفك يا عم :]

ليه بعد ما كان زمان الصداقه دي من كتر ما الناس بيحسدوها وملوا من الحسد علي حلاوتها و نقاوتها و الكلام ال كانوا بيستغربوا فيه منهم عشان محدش منهم حتي مره جرب و قال كلمه وحشه ولا غلط في حد

ووصلوا كمان انهم حسدوا نفسهم انهم لسه سوا ومافيش حد فرقهم ولا دنيا ولا بنت ولاظروف و الفلوس ...

فجاه ...

يطلع كل دا كلام في الهوا و تفرقهم الدنيا لنفس الاسباب ال كانوا بيحسدوا نفسهم عليها

الظروف : عربيه ونادي و شله روشه

( البنات ( مع انهم مبيعملوش معاهم حاجه و اخرهم يتفرجوا من بعيد

والفلوس ... مع انها برضه مش كتيره

شفتي انا كنت خايف اكتب وعارف ان افكاري مش مترتبه ومش عارف اعبر اوي بس برضه هاخدها كوبي وبيست وهعدل الكلام ال مكنتش مركز فيه

و لو حد فهم حاجه يبقي يقولي ...
;)

تصبحوا علي خير

لا لستار اكاديمي - كلاكيت تاني مره

بسم الله الرحمن الرحيم

---

من سنه تقريبا كتبت عن موضوع لا لستار اكاديمي لا للمسخره وقلة الحياء ... والحمدلله كل مكان اتكلمت فيه عنه لاقيت فيه ايجابيه من الناس ال قرت الموضوع وفهمت وجهة نظري في كلامي عن ضرورة مقاطعة البرنامج الهادم دا

و عدت سنه و بدأ جيل جديد من البرنامج اللبناني الشهير ورجعت الناس تاني تتجمع قدام المفسديون بوهمهم بالاستمتاع بالبرنامج الفاسد

وبيظهر فارس جديد بوسامته وروشنته وستايله الجامد ... وال بيقدر يمحي اثار الفارس القديم في البرومو ال قبله!!

تخيلوا لما واحد يكون مرتبط ببنت وبيحبها وراسملها صورة الحبيبه المخلصه والبرنسيسه ال هتعيشه امير في مملكة الحب والغرام هو لوحده كزوجة مميزه و ام تقدر تربي ولاده صح وتقدر تتحمل مسئوليتهم في وجوده وعدم وجوده و تقدر تبني جواهم معاني الحب الحقيقي ... تخيلوا الصوره دي ممكن تبقي شكلها ازاي لما بكل بساطه حبيبته تقوله تعرف انا بمووووت في المطرب كذا ال في ستار اكاديمي ايوه هو دا ال بيبوس البنت الفلانيه دا دا انا بموت فيه يا حبيبي ... والمصيبه بقي انه يضحك ويقولها بكل بساطه برضه زوقك حلو يا حبيبتي تعرفي انا كمان بحبه اوي و بحب البنت الفلانيه ... تقوم بقي تخبط علي كتفه وتقوله عيب هو انا مش ماليه عينك ولا ايه؟!

هو الحب ايه ؟! غير قلبين بيتوافقوا مع بعض و احساس مشترك بيجمع بينهم دقات قلب و نظرة عين و خوف و فرحه و ضمه تدي الامان جواهم .. ازاي حد يحب حد ويشاركه الحب دا حد تالت شايفه بعينه بيعصي ربنا وبيختلي ببنت قدام الناس ازاي نقول بنحبهم؟! ممكن نتفرج عليهم و نغلط و نشوفهم مره واتنين بس اكيد لما نحب

لازم نحب حد واحد بس !!

الحب بطبيعته متقسم قسمه ونصيب دا الطبيعي واحد بيحب واحده بيشوفها اميرته وبيحاول يعمل كل حاجه حلوه عشان يرضيها .. وهي بتشوفه اميرها ال بيملكها لوحده وبتحافظ علي امتلاكه ليها بوفائها و رومانسيتها و ابتسامتها و اكلتها الحلوه لما يكون راجع م الشغل تعبان ومحتاج ياكل من ايديها وبايدها .. دا الطبيعي والقسمه العادله لكل واحد راضي بقسمته ونصيبه وحافظ عليهم ومبصش لحاجه مش بتاعته !!

والحب دا امانه لازم نحافظ عليها .. ازاي اقدر اختار بنت احبها وهي النهارده بتحب المطرب الفلاني بتاع الموسم دا و سبحان الله بتقدر تنساه بعد الحب الجارف مع اول ظهور للمطرب الجديد في الموسم الجديد وبرضه بتفضل تقول بحبه بحبه بطريقه لو عاشتها مع انسان بتحبه بجد .. ميكفيهوش بوكيهات الدنيا كلها عشان يعبر بيهم عن حبه ليها

معجبه من متابعين ستار اكاديمي النهارده بتقول انا بحبك وبعشقك يا كذا

و معجبه تانيه عامله النك نيم بتاعها عاشقتك الي الابد ... يا كذا

و نفس ال كانت بتعشق كذا الموسم الجديد بتعشق كذا تاني غيره !! وهي عارفه كويس ان في عشاق كتير غيرها بيعشقوه وهما شايفينه بيترمي في احضان البنات في الحرام مافيش وصف تاني ممكن اوصف بيه المنظر المشئمز دا

ومستغرب بجد ان عشان واحد مبيحضنش كتير و مبيبوسش كتير .. يتقال عليه بكل بساطه دا انسان محترم ومتربي

في يوم واحنا ع المشايه عندنا في المنصوره وكعادتنا بنلف بالعربيه ... كان يوم خميس

لاقينا عربيه ملاكي مليانه بنات بالهبل ...

وبيهيصوا في العربية و بيهتفوا سوا

هاني ... هاني ... هاني

وكان يومها هاني مطلعش نو ميني

احساس جميل ان في حد يحب حد ويحسه ويشجعه انه يستمر في طريقه للنجاح

و فيها ايه لما نخلي ولادنا ينزلوا ويرقصوا ويهيصوا ويهنوا بعض بالقبلات في النوادي والجامعات ما احنا برضه ماقلناش عيب انكم تشجعوا حد بيعمل كدا تحت اسم الفن !!

في الوقت ال كانوا بيهيصوا فيه في نفس واحد عشان نجاح واحد ... كان في فئة سلبية بتتعدي علي اسم

رسول الله سيدنا محمد صلي الله عليه وسلم

ليه مكناش نقف كلنا ونرفع ايدينا للسما ونقول يارب انتقم منهم وانصر رسولنا الكريم

اليهود الله لا يمسيهم بالخير ابدا يارب ... عملوا حرب علي لبنان ...وقتلوا الاطفال الابرياء ... ومكنش عندهم ادني رحمه لا بطفل ولا عجوز ولا امراه ولا اي حد ... واول ما ضربوا ابتدوا بالمسلمين والاماكن ال فيها الناس المسلمه ...يا تري ليه مضربوش ليه المكان ال فيه ستار اكاديمي ؟!!

كل ال كنت بشوفه اطفال و شيوخ ونساء بيموتوا ظلم ... في الوقت ال كانت بتطلع فيه مذيعه بلبس متحرر علي قناة لبنانية تشيد بمشاعر الحزن والاسي .. وتحيي المطرب الصامد علي اخر اغانيه

ايامها مكنتش دخلت الجيش ومع ذلك كان نفسي اروح هناك واخد صحابي ونحاول نشارك باي حاجه في الحرب

والحمدلله .. الحرب انتهت و بدأوا في اعمار لبنان .. و ازالة اثار العدوان الوحشي

وفجاه .. بلاقي حلم حلمته بيتحقق ومعاه كابوس جديد بموسم جديد لستار اكاديمي

في الوقت ال ممكن كنا نتبرع بيه عشان نلاقي حياه جديده في بلد بنحبها

بيرجع تاني الناس تتجمع قدام بنات وشباب ميعرفوش بعض وبيتقابلوا لاول مره في مكان بيحللهم القبلات والاحضان .. وكمان بيطلبوا من الناس التصويت مش عليهم لا ليهم يعني ممكن حد بيحب المطرب الفلاني يدفع الافات في اليوم عشان بس ينجحه .. اوك اتفرج مافيش مشكله .. اوك اتفرج عشان تعرف تخاف علي ولادك انهم يتاثروا ببرنامج زي دا لكن لما تتفرج و تدفع فلوسك عشان تنجح مطرب او مطربه لا ليهم صوت ولا احساس يبقي

لازم اتكلم ولازم اخاف من بكره ... لما اشوف حاجه غلط وكل ال حواليا محللها و شايفها صح

:(

طيب هو مين ال سمح بالبرنامج دا انه يتعرض في لبنان ... ونسي بسرعه اطفالها واهلها ال ماتوا ظلم فيها وكل

ال همه الفساد والفلوس ويلهي الناس في حاجه بتهدم مبتبنيش

مش قادر اتصور ازاي اب يسمح لبنته تقدم في برنامج زي دا ؟

ويروح ويحضن بنته وهي كاسيه عاريه ويدمع كانه بيحضن بنته ال اخترعت اختراع هيفيد الدنيا ...ويرفع راسه اوي وهو فخور ببنته ذات الصوت ال مش حنين والنضاره هتقع من علي عينه من كتر ما شد راسه متعاليا متفاخرا بهديته للامه البشريه ال طربتهم ورقصتهم ونستهم ضحايا الحرب ... وبما انه اب مش ديوث لا سمح الله

وهو نازل من علي الاستيدج بيعمل دوره الابوي ال يشهد له بابويته المتفانيه وبيقول لكل الولاد المحترمين في الاكاديميه والبنات ال زي الورد ال قاعدين بجيبات نص كم

يا ولاد مش هوصيكم علي بنتي دي زي اختكم خلوا بالكوا منها

وطبعا بما انها اختهم ... عادي بقي يبوسوها و يخلوا بالهم اوي

والناس تضحك والبنات تسقف والشباب يحضنوا

والدموع تنزل من الموقف المؤثر دا

في اب بالشكل دا ؟

بيخاف علي بنته اوي كدا ... لا بجد انت اب مش ديوث ابدا وعرفت ازاي تخلي بنتك سبب انك تدخل الجنه

!!

كان ومازال .. بيشتغل في بيوتنا كل موسم .. وكل مره بييجي فارس احلام جديد بيشغل عقل بنات و عادي جدا لما بنت تقول قدام باباها ومامتها بكل الحب انا بموت في فلان الفلاني ... هو فين دا ؟!!ايوه هو دا ال بتشاور عليه ال قاعد بيملس علي شعر النجمه الفلانيه هناك دي !!
وبنرجع نقول هي البنات بقت بتلبس كدا ليه وبقت فري في كلامهم كدا ليه ؟بنرجع نعاتب و نلوم و احنا مسستسلمين شباب وبنات لافكار مسمومه بيحقنوهالنا من غير ما نحس
الموسم الجديد ال البنات بتفتخر فيه بالنجم ابن بلدي ال من المنصوره ... وال منهم دخل وعلق ع الفيس بوك وقال رفعت راسنا يا سراج يا بن بلدنا ... مع احترامي ان لو كان سراج هو الشخص ال نقذ روحين برضه من يومين مكنش اتعمله الضجه دي كلها .. من يومين بالصدفه لاقيته شغال قلت اشوفه ... واتفرج ممكن استفيد وبالصدفه لاقيت بنت بيقولوا مصريه ( باباها مصري نوص نوص ) ومامتها مش عارف منين !!و بيهزروا معاها و مشاعر الحب هتطق من عينيهم وواحده لاقيتها بتعيط و زعلانه اوي عشان زميليتها قالتلها لفظ مش كويس بتقولها انتي مش متربيه اتخضيت وقولت اعرف ليه تقول لزميلتها كدا في الاكاديميه ؟!!والحقيقه كانت في انها كانت بتوريها رقصها وعايزاها وتقول رايها في فنها وهز وسطهاو شدوا في الكلام بعدها فقالتلها انتي مش متربيه والبنت زعلت اوي وقالت انها متربيه احسن تربيه .. وباباها ومامتها واخواتها وكل العيله المتربيه قاعدين دلوقتي بيشوفوها وهي بتدرس وبترقص يا عيني وهاريه نفسها مذاكره لحد الصبح عشان تثبتلهم انها اد ثقتهم فيها و مش هتبقي نو ميني ابدا ابدا ... ونعم التربيه :)وعادي بقي ... خلونا نتفرج ع التربيه الصح ... ونفرج ولادنا عليها كويس .. عشان برضه منعرفش نعاتبهم لما نلاقيهم بيقلدوهم ما عادي ما احنا كلنا بنتفرج عليهم وهما بيعملوا كدا ومن غير ما نخجل من ال بنشوفه فيهم وعادي بقي لما اشوف بنات وولاد قدام بيوتنا وفي جميع الاعمار واقفين و بيتضحكوا علي بعض و مش هاممهم ان في حد باصص عليهم و مش عاجبه منظرهم !!هنفضل لحد امتي نوافق عليه ونشغله في بيوتنا وقدام ولادنا وندعمه و نصوت لهم ونصوت عليهم وفي مريض سرطان لوحده ويتيم بيبكي ومحدش حاسه دول موجودين وعايشين وسطنا في حياتنا محتاجين حد يحسهم و يبتسملهم و يمد ايده ليهم ... بحب عشان يلاقوا فينا امل يعيشوا بيه
دا ال بيساعد علي انه ينشر حسنه واحده بتبقي في ميزان حسناته بعدد كل ال هياخد الحسنه دي ليوم الدين حتي بعد ما يموت يبقي ال يتبرع بسيئه لبرنامج سيء بيساعد علي هدم الشباب وقلة حياء البنات دا يتعمل فيه ايه دنيا واخره ؟؟وبرضه هيفضل ياخد سيئات عن كل واحد اخد السيئه دي بسببه لحد ما يموت وحتي بعد ما يموت وليوم الديناحنا محتاجين حسنات كتيره عشان يارب يارب ندخل الجنه ومن غير حساب هو دا الاحساس ال يستاهل اننا ندمع عشانه ..ونقول يارب مش ندمع عشان معرفش مين طلع نو ميني و المعجبين يا عيني كانت بيموتوا فيه !!ومن مكاني هذا اقول اللهم بلغت اللهم فاشهد

ويارب اهديني

.. ويارب يا رب استرها علي بنات المسلمين ويارب ساعدنا اننا نشوف الدنيا صح بعيد عن برامج الفساد ..امين

بسم الله الرحمن الرحيم ابدأ مدوناتي

بسم الله الرحمن الرحيم

------

السلام عليكم ورحمة الله وبركاته

الحقيقه عجبتني فكرة المدونات اوي ... رغم اني علي الشبكة الالكتورنية الانترنت من حوالي 9 سنين ... اشتغلت فيهم في المنتديات و بدات بمواقع الشات زي الياهوو والهوت ميل و اخيرا اكتفيت بالماسنجر

MSN

والحمدلله ربنا وفقني ان اقدر اشتغل علي برامج التصميم زي الفوتو شوب(علي أدي) والفوتو امبكت واللوجو كريتور و الموفي ميكر والحمدلله رغم اني مش محترف بس بالممارسه بتعلم...

وعندي موقع خاص علي المالتي بلاي شبيه بالبلوجر بس طبعا البلوجر اكثر شهره لكثرة استخدامه للعرب والمصريين عموما عشان كدا حبيت ابدا كتابة مدوناتي هنا في البلوجر

هو انا تهت من كترة البلوجات كل ما ادخل مكان الاقيه بلوجر تاني ولازم رجستر بس عموما انا هشتغل علي البلوج دا دلوقتي لحد ما اتعلم موضوع الاكواد دا

ومن اولها انا اتلخبطت و مبقتش عارف مين صح ومين غلط بس ال اعرفه انا مبحترمش أفكار ناس زي منال وعلاء وامثالهم من اصحاب المباديء الرخيصة و لو حتي بيتكلموا عن حاجه انا مبحبهاش عشان كدا انا مع نفسي ومع الخير والحق ومع كل الناس ال بتغير علي دينها علي الدين الاسلامي من قلبها و كل ال جوايا بحاول اوظفه للخير ...يارب ساعدني و من المبدأ دا ببدأ

بسم الله الرحمن الرحيم

ابدأ مدوناتي

والله ولي التوفيق

لست مجرد حبيبتي

حبيبتي

إليك اسطر أحرف الحب من دماء القلب

حبيبتي

أنت التي فجرتي في كل طاقات الإبداع فأصبحت بك مبدع ومن أجلك أبدع

حبيبتي
لقد حققت كل ما أصبو إليه فاجتزت الصعاب ووصلت إلى المستحيل وذلك بدافع حبك بعد توفيق الله

...إنني لو سطرت لكي أجمل الكلمات وأعذبها لم أوفيكي حقك

..حبيبتي

إني أحمل في قلبي تصور كل إنسان

حبيبتي

قد كنت اسمع قبل أن أحبك بأن الحب عذاب ولوعة وحرمان فكنت أخافه وبعد أن أحببتك تمنيت لو يجمع عذاب المحبين ويصبح من نصيبي بشرط أن تكوني بجانبي

حياتي

.أريد أن اصرخ في وجه علماء العالم هذا العالم كي يخترعوا لما أحمل في قلبي اسماَ ...!!

لآني أرى كلمة أحبك قليلة في حقك وتعبر عن شيء قليل مما في قلبي فاسمحي لي بأن أخبرك بأني لا أحبك

لأني أرى في تلك الكلمة إنقاصا لما أحمل لك من غرام وعشق

...!!!

فأنت لي روحي

..وحياتي

..وأملي

..وملك روحي

,,,, الــــــــــــــى امــــيـــــــرتـــــــــي ,,,,,,

اليكي ايتها الاميره الجميله .. ابعث نبضات قلبي

اليكي يافاتنتي ابعث احاسيسي المليئة بالحب

كم كنت اتمنى ان تكوني اميرتي الفاتنه

وحصل ما أردت

ممتع ان تكون في عداد العاشقين ...

ممتع ان هنالك دنيا تقطن انفاسها لك ..

.ممتع ان تكون او لا تكون..في زمن يصبوبه الحب بمناظر عظماء العشق والحب

اميرتي يعجز اللسان وتتناثر المشاعر بدون وصف دقيق لما اكنه من حب طاهر لكي ..تكتب الأشعار ..وتزف الخواطر..وتتلألأ شظايا الحب..بدون ان اسمو بحبي لكي

كم تمنيت يافاتنتي ان ترين ما يخبأه قلبي من حب وعشق وشوق..لكي انتي ايتها الروح الحنون.. اكتب حبي وشوقي وهيامي وعشقي في كتب الحب..فعجزت ان اسطر ..عجزت ان اوصف اميرتي ..تزداد النبضات الان.. لا اعلم لماذا .. حينما تحتضن روحي صوتك تزداد النبضات ..

عندما افتح رسائلك الشاعريه تزداد النبضات..

كلما فكرت بك او تذكرت ابتسامتك ... تزداد النبضات يتملكني ذاك الشعور الغريب

احساس الحب تذرف عيناي الدمع..

لاحزنا..بقدر ماهي شوق اليكي..

اعجز يا اميرتي عن الوصف فهو وصف لايوصف وان وصف فلن يكتمل

حبي اليكي لايتحسسه الا قلبي وقلبكي ..اميرتي الفاتنه .. ابتعدتي جنوبا عني ..ابتعدتي وللصبر دره عند الله بما صبر عني

..ملل الصبر مني .. وحارت الدموع في عيني..عيناي لاتعرف الراحه

وان اخذني ذاك النوم العميق سرعان ما اتنبه من حرارة الشوق ولا اطيل الانتظار سرعان ما اتفكر بأميرتي

رحلتي يا اميرتي وغاب قمر السماء ..واظلم قلبي وانتي له نور وضياء.. اتلهف لسماع اخبارك ..احارب شريط الذكريات الجميله

اناشد الجميع عن اميرتي الحبيبه..اصارع اوقات الموت بعيون حزينه..انتظر يوم مشرق بعودة تلك الاميره

وأنا الان أسير لتلك العينين الساحرتين لا املك سوى مناجاة طيفها واحتضان بعض الحنين..

متى ستعود اميرتي ..ويعود قلبي..وتعود الايام الرائعه

سأنتظر وانتظر الى ان تعود تلك الاميره

حبيبك
MoNtAnA

اسماء الحب ومعانيه

الحب إحساس داخـلي جاهـز فطري في داخـلنا 00 ينمو إذا واتته الظـروف

و هـو ينمو دائماً من الداخـل

والحب هو تعلق روح بروح ، واشتباك نفس بنفس ، دون النظـر إلى جمال جسد ، أو حسن مظهر

والحب هو عمى العاشق عن عيوب المعـشــــــــــوق

قيل لبعض العـلماء : إن ابنك قد عـشق ! فـقال : الحمد لله ! الآن رقت حواشيه ، و لطفت معانيه ، و ملحـت إشاراته ، و ظرفت حركاته ، و حسـنت عباراته ، وجادت رسائله ، وجلت شمائله ، فواظب المليح ، وجـنب القبيح 0

و سـئل أحد العلماء وقيل له : هل سلم أحد من العشق؟ فقال : نعم الجلف الجافي الذي ليس له فضل ولا عـنده فهم 0 العشق : هو فرط الحب وأمره واخبثه 0

الهوى : وهو ميل النفس إلى الشيء 0

العـلاقه : وهو الحب اللازم للقلب 0
الكلف : وهو شدة الحب 0

الشغف : وهو ارتفاع الحب أعلى موضع من القلب 0

الشعف : وهو إحراق الحب للقلب 0

الجوى : وهو الهوى الباطن والحرقه وشدة الوجد من عشق أو حزن 0

التتيم : وهو التعبد والمتيم هو الذي تيمه الحب إذا عبده ودا طبعا حب حرام لو تتيم لغيرالله سبحانه وتعالي 0

التبل : وهو أن يسقمه ويمرضه الهوى 0

التدله : وهو ذهاب العقل من الهوى 0

الهيام : وهو اشد العطش 0

الصـبابة : وهي رقة الشوق وحرارته 0

المقة : المحبه ،

الــوامــق : المحب 0

الوجد : هو الحب الذي يتبعه الحزن 0

الدنف : هو المرض واستعمل العرب هذا الاسم للحب اللازم 0

الشجو : هو الحب الذي يتبعه هم وحزن 0

الشوق : هو سفر القلب إلى المحبوب 0

البلبال : هو الهم ووسواس الصدور 0

التباريح : الشدائد والدواهي يقال برح به الحب والشوق إذا منه البرح وهو الشده 0

الغمره : ما يغمر القلب من حب 0

الشجن : هو حاجة المحب اشد إلى محبوبه 0

الوصـب : هو ألم الحب ومرضه 0

الكمد : هو الحزن المكتوم 0

الأرق : السهر و هو من لوازم الحب 0

الحنين : هو الشوق الممزوج برقه 0

الجنون : ومن الحب ما يكون جنوناً واصل مادة الجنون الستر والحب المفرط يستر العقل 0

الود : هو خالص الحب والطفه وارأفه 0

الخله : توحيد المحبه وقيل سميت خله لتخلل المحبه جميع أجزاء الروح 0

الغرام : هو الولوع و الحب اللازم واغرم بالشيء أي أولع به 0 ا

لوله : هو ذهاب العقل والتحير من شدة الوجد 0

الرسيس : وهو الثبات ورسوخ صورة المحبوب في النفس 0

الجزع : هو عدم الصبر على الفرقه 0

السُّـهْدُ : شدة السهر وتواتر أحوال المحبوب على القلب 0

الغل : شدة العشق 0
اللهف : حزن وتحسر ، اللهفان المتحسر ، واللهيف المضطر 0

التبالـه : تبله الحب أي اسقمه وافسده 0

اللوعه : الحرقه لوعه الحب حرقته 0

الداء المخامر : وهو من أوصافه وسمي مخامراً لمخالطته القلب والروح 0

السدم : هو الحب الذي يتبعه ندم وحزن 0