Sunday 11 November 2012

حلم باريس

عارف أنا بحلم بإيه !!
حلم حلمت بيه ونفسي أحققه
نفسي أوي أسافر باريس
ماتستغربش من الحلم دا عشان دا الحلم الوحيد ال فاضلي
نفسي أتعلم فرنساوي و أتكلم بيه زي ما بشوف الأطفال بينطقوا الحروف برقه ودلع
وأدرس الرسم هوايتي و أتعلم بيانو
 وابقي رسامه محترفه ومشهورة اوي ..
كل يوم هرسم في مكان جديد ..
هبتدي ببرج ايفل و هسهر في الحي اللاتيني و اغير جو في سانت جوليان ومونبليه و
في تروا هرسم علي نهر السين الطيور وهي حواليه
هرسم العشاق في لحظة الغروب وهي بتضم احلامهم وبتديهم الدفا
هرسم الاطفال و هما بيجروا وبيتشاقوا و ابتسامتهم مليانه حب بريء
 وروحي هتبتسم مع ابتسامتهم عشان الصوره تطلع احلي
هختار كل الالوان ال انت دايماً كنت بتحكيلي عنها
فاكر الأزرق وعشقك للونه علي فستاني وكأن نفسك تشوفه في كل مكان بشوفك فيه كنت بتشاور ع السما وتقولي شايفه فستانك وهو مراية البحر والسما مافيش اصفي منهم معاكي  
والأحمر لون قلبك .. فاقع أوي زي نبضك .. مابتحبش أبداً تشوف لون بهتان حواليك ولا حد حزين قدامك .. زي ما بتهتم بكل تفصيلة صغيرة في حياتك ..
والأخضر لون فرحتك  .. لما بتزعل بصالحك بيه .. برسمه علي جدران شارعك  .. بزرعه في حديقة بيتك .. بلونه في كل رسمه برسمها ليك..
زي ما انت كنت بتصالحني ببوكيه ورد الوانه زاهية و فروعه خضرا وقولتلي العود الأخضر هو الأمل ال هيفضل جذوره تجمعنا
والأبيض لون النقاء مش انت ال قولتلي لما تكبري والابيض يشيب في راسك هحبك أوي وهحبك أكتر .. حببتني في لون الطيبة و شوقتني أمسك في الدنيا أكتر لحد ما شعري يبيض وإنت معايا ..
والأسود .. لون الوقار (( كلاسيكية أنتِ حبيبتي لدرجة أن نساء العالم كلهم يدفعون عمرهم كله ليتعلموا منك كلاسيكيتك في الخفاء .. وليتهم يستطيعون ))
اااه حبيبي .. دا كان وصفك ليا لما غميت عينيا وفاجئتني بهدية من غير مناسبه غلافها كان أسود وشريطها أحمر ..
قولتلي خمني .. قولتلك ممممممم واضح أنها حاجة كبيرة وغالية .. قولتلك بدلع ممم مش عارف !!
قولتلي افتحيها وانتي مغمضة ..
فتحتها ولاقيت ايديا لوحدها بتعزف عليها Love Story  و صرخت في وشك .. بحببببببك
كانت أجمل مفاجئه حسيتها قبل ما عيني تشوفها ..
البمبي .. الحياه بقي لونها بمبي وأنا جمبك وانت جمبي .. فاكر حبيبي لما كنا بنغنيها سوا علي شط بحرنا ؟
والعشاق واقفين حوالينا بيوشوا الودع وبيتمنوا يكونوا زينا وبيرموه في البحر وعنيهم غيرانه مننا ونفسهم يقلدونا ويجروا حافيين ع الشط ويطرطشوا المايه زينا علي بعض .. ببساطه كده .. بحريه كده .. ماحدش له حاجه عندنا انا هي وهي انا ..

هلون السعادة علي وشوش الناس زي ما كنت بتلون السعادة علي وشي وأنا معاك

ماتخافش عليا أنا مش هنسي أصلي كل فرض في ميعاده وأنا ساجده هدعيلك بكل حرف جميل أتعلمته منك وكل لحظة حلوه عشتها معاك تاخد ثوابهم أضعاف أضعاف الحسنات ( يارب )
أنا عارفه انك بتحب البدل الايطالي بس بتعشق الاستايل التركي .. هانزل في البريك وهاجبلك بدلة تليق عليك وهنقيلك كرافات علي ذوقي
عارفه البيرفوم ال بتحبه وبشمه في كل لحظة بتنفس فيها وبياخدني الحنين اليك وانت بعيد ..
أقسم لك أنه مافيش لحظة عدت تاه مني الاحساس دا .. هاجبلك من كل نوع بتحبه اتنين .. واحد ليا وواحد ليك ( One Milion - Swa rouge - RichRich - Jadour ) انا عارفه انك بتحب تشم البيرفوم بتاعي وبتجيب لنفسك كل مره واحد زي ال كنت بتهديهولي ..
نفسي اجيبلك الدنيا كلها هدية وأنا راجعه من باريس
بيقولوا ان ال بيروح باريس بيشوف عجايب الدنيا وبيرجع منها نفسيته حلوه اوي

هو ينفع اجيب معايا الشوارع والهدوء ؟
الأضواء والنظام و الصخب الراقي واحترام الناس لبعضها ؟
كل حاجه جميله زورتها هصورها .. هاجيبلك كاميرا سوني هاي ديفنيشن زي بتاعتي .. عاوزاك تصور بيها العيال ال بتحب تصورهم في الافراح والرحلات ال مابتزهقش منها دي

بص بقي انا نفسي نفسي نفسي أجيبلك بوكيه ورد من هناك بس مش عارفه هايفضل عايش ولا هايموت في الطريق .. هحاول ارجع بطياره بسرعه ممكن يعيش ويستني
الورد في باريس ذوقه عالي اوي و عارفه انه هيعجبك حتي لو بسيط
انا فاكرة بوكيه الورد الكبييييييييييييييييير اوي ال جبتهولي في عيد ميلادي مش عارفه انت جبته منين ومين المجنون أصلا ال قبل بفكرتك وعملهولك كده ..
انا مش هاقدر اوصفه عشان انت قولتلي دا ليكي انتي بس ..
بس مش هاقدر أنسي كلامك علي الكارت (( هافضل أحبك لغاية أخر ورده ما تتدبل )) كنت مستغربه والورد كله بيدبل قدامي كل يوم الا الورده ال في النص والله لسه عايشه مابتدبلش ..
أول ما هرجع مصر حبيبتي أم الدنيا ال رسمتها في كل مكان زورته في ضواحي باريس .. واتشهرت علي حسها وبركة دعاها ليا .. هاروح مكان انت عارفه كويس
دورك  انت بقي تخمن هاروح فين !!
ممممممم .. أيوه المنصورة .. البلد الجميله ال ياما حكيلتي عنها وشوقتني أزروها و أشم حنينها ال عاش جوايا من غير ما أشوفها أنا زورتها في احلامي كتير زي ما زورت باريس

لأول مره هلف بعربيتي الكوبيه بحريه ومش هاتكسف افتح السقف وهجري أوي زي ما كنت بتحكيلي عن مغامراتكم بالعربيه ع المشايه  اشمعيني انتوا يعني واو ..
هي حلوة بجد زي ما انت حكيلتي عنها
أول ما أوصل الاستاد هعدي علي بيتك وهاجبلك معايا كل الهدايا ال وعدتك بيها و كل الرسومات ال رسمتها واتشهرت بيها ... هاخليك توقع عليهم كلهم باسمك انت ..
انا رسمت كل دا كل دا عشانك انت ..
ياتري وقتها هتقابلني وتكون معايا !!
دا كان جزء من حلم حلمته .. حلم باريس ..
إنها مشاعر عاشقة في منتهي العشق ..

 
 
MonTana 

16 Responses so far.

  1. Baskouta says:

    ايه كمية الحب اللي في البوست ده
    بس هو كدة الحب بيخلي كل حاجة حلوة حتى الأحلام بيلونها بألوان مفرحة

    ربنا خلق الاحلام علشان تفرحنا ونرسمم فيها امنياتنا من غير الحدود اللي واقعنا بيخلقها

    تحياتي للحلم الباريسي والبوست بجد رائع
    :)

  2. بسكوته سعيد بتشريفك الجميل ليا ومتابعتك الراقيه لعالمي دايماً البوست دا كان نفسي اكتبه وانا قلقان لان متعود دايما اشوف ابدعاتكم و بخاف اعبر عن الاحساس ال جوايا لان ببقي شايف انه لن يرتقي لمستوي ابداعكم و تعليقك فرحني بجد و احساسك باللوان الفرحة في الحلم الباريسي ال حسيته بمشاعر استنثائية بحمد ربنا ان شوفتها بعيني .. الحلم الباريسي لسه مخلصش ه شير بقيته اول ما الحلم يكمل و يارب يحلي كل احلامك الجميله يا بسكوته :))

  3. مساء الغاردينيا محمد
    كنت أنظر خلف سطورك لألوان الحلم وكمية الحب للإنتظار والفرح واللون الأحمر الأحلام جميلة وتبقى جميلة ونحنٌ نحفظها في قلوبنا ودعواتنا ونكتبها أحرف تراقص نبضات قلوبنا لاتتخلى عن حلمك الباريسي ولا عن مشاهدة تلك الجميلة بين سطورك كنت هنا أبتسم رغم كمية الألم في صدري هذا اليوم أشكرك من قلبي على تلك الإبتسامة التي رسمها حلمك حقق الله لك أحلامك ومنحك الحب والسعادة حتى ترضى "
    ؛؛
    ؛
    لروحك عبق الغاردينيا
    كانت هنا
    reemaas

  4. مساء السعادة يا ريماس .. أميرة الحروف الجميله والقلب النقي وأنثي الفارس الراقي
    الحقيقه نسيت ان اكتب ان هذه الاحاسيس واللاحلام الباريسية ليست لي انما حلم عاشقة خرافيه ترجمته بقلمي ولم أوفي قدر حلمها لذلك قلت انه حلم لم يكتمل ..سلامتك اسئل الله العظيم رب العرش العظيم أن يشفيكي يا ريماس دعوت هذه الدعوة علي يقين ليشفي أخت وصديقه اعرفها والحمدلله بشرتني اليوم ان المها زال و الطبيب اخبرها انها بخير ولا تعاني من شيء يارب انا اعلم مدي المك و دعائي بيقين يارب يذهب عنك الالم ويبدله بحياه طويله بلا الم و شفاء لا يغارده سقما يارب يارب يارب يارب يارب
    :$ يارب لك مثل ما دعوتي لي به واكثر وتلاقي السعاده في كل لحظة من عمرك يارب


  5. فاكر الأزرق وعشقك للونه علي فستاني وكأن نفسك تشوفه في كل مكان بشوفك فيه كنت بتشاور ع السما وتقولي شايفه فستانك وهو مراية البحر والسما مافيش اصفي منهم معاكي
    ............................
    ياسلااااااااااااااااام ع التعبير الاكثر من رائع السما هي اللي بتقلد ازيائها والبحر هو اللي واخد من لون فستانها
    الطبيعة كلها تحاكيها


    والأحمر لون قلبك .. فاقع أوي زي نبضك .. مابتحبش أبداً تشوف لون بهتان حواليك ولا حد حزين قدامك .. زي ما بتهتم بكل تفصيلة صغيرة في حياتك ..
    ........................................
    مبتحبيش ابداً حد يكون حزين لون ابتسامته باهتة لون سعادته صفرا عينية مبتلمعش


    دا كان وصفك ليا لما غميت عينيا وفاجئتني بهدية من غير مناسبه غلافها كان أسود وشريطها أحمر
    .........................................
    جديدة دي (:



    ماتخافش عليا أنا مش هنسي أصلي كل فرض في ميعاده وأنا ساجده هدعيلك بكل حرف جميل أتعلمته منك وكل لحظة حلوه عشتها معاك تاخد ثوابهم أضعاف أضعاف الحسنات
    ( يارب )
    ................................
    هو ده الحب الحبيب بيتمنى في كل سجدة لمن يحب السعادة حتى انه ينسى ان يدعي لنفسه وكل وقت السجود يدعي فقط لمن يحب



    عارفه البيرفوم ال بتحبه وبشمه في كل لحظة بتنفس فيها وبياخدني الحنين اليك وانت بعيد ..
    .........................
    حتى هو معها وان لم يكن كذلك .


    بس مش هاقدر أنسي كلامك علي الكارت (( هافضل أحبك لغاية أخر ورده ما تتدبل )) كنت مستغربه والورد كله بيدبل قدامي كل يوم الا الورده ال في النص والله لسه عايشه مابتدبلش .
    ........................
    اكيد بلاستيك :-p


    لولا

  6. candy says:

    لأ مش مصدقة أن اللى كتاب الكلام دا ولد :D

    أنا كمان عندى حلم باريس بجد .. بس بصياغة تانية طبعاً ;)

    الجزء دا

    "في تروا هرسم علي نهر السين الطيور وهي حواليه
    هرسم العشاق في لحظة الغروب وهي بتضم احلامهم وبتديهم الدفا
    هرسم الاطفال و هما بيجروا وبيتشاقوا و ابتسامتهم مليانه حب بريء
    وروحي هتبتسم مع ابتسامتهم عشان الصوره تطلع احلي "

    ممكن يتحقق عندنا هنا على كورنيش المنيا.. بجد !

    باريس الحضارة والفن والنور .. <3

    تحياتى

  7. Anonymous says:

    كم هي جميلة احلامك با انت

  8. ماشاء الله علي التدوينه والاحلام
    والمشاعر المتدفقه زي شلال الماء الصافي

  9. ياسلااااااااااااااااام ع التعبير الاكثر من رائع السما هي اللي بتقلد ازيائها والبحر هو اللي واخد من لون فستانها
    الطبيعة كلها تحاكيها


    والأحمر لون قلبك .. فاقع أوي زي نبضك .. مابتحبش أبداً تشوف لون بهتان حواليك ولا حد حزين قدامك .. زي ما بتهتم بكل تفصيلة صغيرة في حياتك ..
    اختي الراقيه لولا رحمة ربي .. تفسيرك اكثر من رائع و ردودك زودت للتدوينة بريق خاص نبضجك كانثي حس نبض الحلم الانثوي ال ترجمته ببساطه
    ماشاء الله عليكي
    ----------------------------
    جديدة دي (: جيددة ولكن فعلها هو معها :))))
    ----------------------------
    يارب يحفظك يا لولا رحمة ربي و تحسي دايما كل تصيله صغيره في كل حلم وتحققيه يا مذيعتنا الراقيه
    :)) اكيد الورده مهما كانت دهب او مرجان هي ورده لن تتكرر

  10. Candy
    منوره بوكيه ورودي
    الحقيقه ال كاتب الكلام دا اه ولد بس ال حلم الحلم دا انثي لا تملك ثراء في الدنيا اكبر من احلامها

    يارب يحفظ كل من يملكون الاحلام ويحققهالهم في الدنيا وفي الجنه يارب وانتي معهم
    ويارب الحلم يتحقق في المنيا وفي المنصورة و في اسكنرديه وفي بورسعيد وفي كل الدنيا نشوفها اجمل بحضاره و رقي و سعاده
    بشكرك علي احساسك الجميل ومشاركتك العاطره

  11. Anonymous
    بشكر حضرتك علي احساسك بالحلم الجميل

  12. استاذتنا الراقيه شمس النهار
    بشكرك علي تشريفك دايما في زحمة التدوينات مبتنسيش تنورينا بنور روحك يارب ينور قلبك دايما زي شلال الماء الصافي وجودك

  13. مشاعر دافئة وجميلة
    واختيار رائع لبلاد العشاق
    باريس والمنصورة
    تحياتى المعطرة

  14. حلم رائع .. سافر بنا عبر الأثير لنرتقي لعالم الخيال

    وكمان الكلام بمشاعر بنوته رقيقه .. تستلهم من روحها عبق الأحلام

    ان لها بالحلم حياه
    كلل الله سنواتك بالأفراح وزين أيامها بالسعادة
    دمت بارعاً .. تحياتي

  15. اشكرك مسلم علي مشاعرك الراقيه ومشاركتك الراقيه

  16. Kiara says:

    وااااااااااااو

    عشت في مووود حلو اوى