#Post Title #Post Title #Post Title
Saturday 19 February 2011

في حُب مِصْرَ ..رسمنا RainBow

في حُب مِصْرَ رسمنا

Rainbow


ألوان كتيره كانت في ايدينا اختارنا
منهم تلات الوان ابيض واحمر
واسود
ورسمنا علي الوشوش ابتسامه مصرية من قلبنا
ونسرعمال بيرفرف في السما الزرقا فوقينا طالع من علمنا بحرية وراجع بأمل لبكره احلي

فِي يَوْم مِن الْأَيَّام
حُلْمَنَا بَّوَطَن مِلْؤُه حَب وَامَان
حُلْمَنَا بِحُرِّيَّة الْانْسَان
حُلْمَنَا بِالْأَمْن وَالْسَّلام
حُلْمَنَا بِسَمَاء زَرْقَاء وَجِنَان وَ الحُلْم انَتِ يا مِصْرَ


حلم بيتحقق بشبابك علي طوووول.. بحبنا ليكي و ايدينا واحده بنغنيلك بصوت عالي يا بلادي يا بلادي أنا بحبك يا بلادي .. يا بلادي يا بلادي أنا بحبك يا بلادي ..

الفلانتين خلاص هيتغير ..
هيبقي 18-2 مهرجان في حب مصر ..
له حق يغير منك يا بلدي الحب فيكي طبيعي بجد من القلب يا اغلي من أي حاجه ومن أي حد ....
في كل مكان في مصر تقدر تتنفس حرية في اليوم دا وتهدي ورده حمرا مصرية لكل ال بتحبهم ..
وورده بيضا لطفل صغير تحطها علي قلبه وتقوله دي قلب مصر ابيض حافظ علي اللون دا بحبك ليها ..

كل واحد امبارح كان ليه دور في مهرجان في حب مصر ..
مكتبة شهداء 25 يناير حضنت أعلامنا وحضنتنا و المحافظة سمعت صوتنا واحنا بنقولها بصوت واحد خلاص علمك القديم هيتغير بعلم جديد في ايدينا ..هاني سرحان قال.. مهرجان زى ده ينجح بالطريقه دى من غير مساعده اى حد وبمجهوداتنا الشخصيه وفى الشارع ومجانى من غير اى حمايه أمنيه يبقى فعلا نجاح كبير اوى ..

تخيل لما تكون في ملكك ياتري مين هيأمنه ويحافظ عليه أدك

كلنا كنا بنكمل بعض .. كل مصر كانت بتتنفس جرية في نفس اللحظة .. كلنا كنا بنتنفس حرية
أودي ع السجادة بيصلي مع الشباب و تيا بتنظم الاوبن مايك ..


* أسامه 050 بيغني لما تديق الدنيا عليك .. افتح شبابيك الالوان .. لون غني ويانا واحلم ويانا في الوااااان .. لو حتي رايي غير رايك لو حتي بلدي غير بلدي لو حيت لوني غير لونك في الاخر كلنا انساااااااااااااااااااان .. ووووه

املااا المكان كله الوان هي الحياه ايه غير الوااااااااااااااااااان
المكان كان مليان ألوان الصور المنشورة بمشابك الغسيل بفن و زوق جميل و ابداع فريق
Mansoura camera club
و تشجيع فريق عمل
Sief


ألوان العلم علي وشوش الأطفال البريئة .. و البنات بفرحتهم والشباب بحماسهم ..


حقاً السعداء يتشابهون ..
أما التعساء فكل واحد منهم تعيس بطريقته الخاصة ..
السعادة شفتها في مهرجان حب مصر في كل صدفه جميله جمعتني بناس بحبها وفخور ان اعرفها ..
و ناس كان نفسي اشوفهم من زمان ..
معاذ وهو ماسك العلم مزروع جواه حب بلده من صغره ..
كان نفسي اشوفه مع انه كان قريب مني ..


* أمجد القهوجي كعادتك لمست حاجه كنا عايزين نقولها ومهما بسمعها منك بحب اسمعها تاني

أما احنا لاننا من يومنا
شعب مطقطق وابن لئيمة
فى التلاتين سنة ناخد وااااحد


* البنوته نورهان و موهبتها ال خليتنا كلنا نضحك من قلبنا بادائها الرائع ..


اول واحد ... اول واحد
خش عليا ....خش عليا
اول واحد ... اول واحد
خش عليا ....خش عليا
خش ب ايه....خش ب ايه
ارباجيه.....ارباجيه
ضرب الطلقة....ضرب الطلقة
واقف يضحك....واقف يضحك
هاههههها ...هاهههههها
ضرب الطلقة....ضرب الطلقة
جيا عليا....جيا عليا
اعمل ايه...اعمل ايه
عني يا رب....عني يا رب
بسرعة يا رب.....بسرعة يا رب
بكل خفة.....بكل خفة
وبكل رشائة.....وبكل رشائة
دابل كيك.....دابل كيك
:))

*رسالة محمود البرديسي للعالم .. و اهتمام المنظمين انهم ينشروها ويقروها واحترامهم لفكرتها بسيطة ..

* الشاب وحكاية التاكسي ودمها الخفيف و طريقة تهنئة جديدة بحبه لوالدته قدام الدنيا كلها ..



كل سنه وهي طيبة وكل أم طيبة
وكل سنه ومصر أم الدنيا طيبه



* البنوتات ال رقصوا علي أغنية محمد منير .. وصوروا نفسهم بفرحه .. فاكرهم يوم 28-1
زي ما شفتهم يومها قلقانين في المحنه فرحت بفرحتهم في المهرجان ..
وكان يومها ايمن الجوهري

(بوكس اند بينز)
بينضف مع الشباب حوالين تمثال ام كلثوم

* المهندسة / هاله مراسلة قطاع الشباب .. وحكايتها في التحرير و روحها الحلوه وهي بتقول تحيا مصر .. تحيا مصر ..


*ماجد والشاعر ومحمود البرديسي وكرم وفؤاد و عبدالمنعم القلاوي و هشام و طارق غالي ودعاء سلطان و
صديقتها و هنا و أسماء و رنا الصغيوره وهبه سمير و كل ال كانوا في المهرجان بروحهم الحلوه
بشكركم


الي كل شهداء الثورة المصرية ..يارب يرحمكم ونقابلكم في الجنة بلادي .. تحية مصرية من جندي مصري وكل المصريين لارواحكم الطاهره


كل ال شارك بروحه الجميله في المنصورة و كل مكان في الدنيا بحب لمصر بشكره
حنان في السعودية ودعاها لمصر وفرحتها لينا

لينا سمير في الاردن و دعاها لمصر و مباركتها لنصرنا


غاده محسن و انتمائها لبلدها التانيه مصر


ام حمزه و حمزة في فلسطين و رسايلهم الدايمه لينا

نسرين و حماده في اليمن وكل رفاقهم و دعاهم لمصر

أ.شيرين الكردي ووليد وكريم وسو و ايناس نهر الحب في التحرير

سوني في الساقيه و التحرير ورضوي

و كل اصحابي حتي لو اسمكم مش مكتوب اسمكم في قلبي وقلب مصر محفور


بشكركم من قلبي .. يا أجمل لون مصري بلون النيل

و بشكر قائمة رعاة الحفله علي روحهم الطيبة ويشرفني شكرهم بالاسم للمره التانيه :


هاني سرحان

الشاعر / محمد محسن

محمود العسكري
أسماء العسكرى

احمد زين

وليد عمر


ايمن الجوهرى

مروه الطوخى

ندى مدحت
أسماء ربيع

احمد الباز


حنان فكرى



)حنه(

نهى زيدان


ايه مصباح

هنا محمد


mansoura camera club

sief


وأنا كمان كان اليوم دا من أسعد أيام حياتي و اتمنيت يتكرر ويكون فيه كل المدونين ال بحبهم ويكون معانا فاتيما و يوسف و ندي الياسمين و كل بوكيه ورودي


هناك اناس تأتي بهم صدف الحياة إلينا..فنشعر بأنهم خاتمة كل الاشياء الجميلة بنا..وبأن بعدهم ..لا جديد..

وانتم هؤلاء .. دمتم بود
---,---'<@



[ Read More ]
Saturday 12 February 2011

مصر يا أطعم اسم


مـــصـــر


م : مافيش حد زيك يا بلدي


ص : صبر و حنيه و روح قلبي


ر : رقه و قوه و ايد واحده


مصر .. مش النهارده ولا امبارح وبس مصر بكره و للأبد هتعيش بروحها تتحس


مافيش زيك .. مافيش اكبر منك لأ


انتي الأم و الحبيبه و البنوته الدلوعه و الراجل في وقت الشدة


انتي حنان في جده و نسرين في الاردن و حمزة في فلسطين انتي روح في قلوبهم وبان حبهم ليكي في محنتك يا مصر


صعب .. صعب اشوف صديق حواليا دخل عالمي و اديته امان و شاف بلدي في خطر ومداعلهاش بالامان .. بان الصاحب دلوقتي و بان الشامت وهتفضلي علي طول بتكبري يا مصر كل يوم بشبابك و ايديهم في ايديكي


وتسامحك اكبر عنوان



رقتك هتفضل فيكي انا فاكر عطرك .. في انفي بستنشقه يا حبيبتي


روحك روحي و روحك روحي


وانتي فاهمه يا مصر قصدي و مش هتنكسري قدام ال حاقدين عليكي


ومش هنطلع وحشين يا بلدي زي غيرنا مش هنأذي اخواتنا بكلمه ولا هنقول عليهم ناكرين جميل دا واجبك علي أي حد... هي دي طبيعتك عشناها فيكي و ربتينا ندي و مننتظرش الرد



بهديلك خبيني دلوقتي هي بتتغني ليكي


ليكي لوحدك مش لحد تاني


اه والله ليكي انتي بس


انتي ال باقيه .. دا يقيني


...دا لو فكرت الاقي كلام اقوله حبيبي فيك


يفوت العمر كله اوام وانا بوصف عينيك


...


مصر .. حبيبتي .. ربنا يحفظك للأبد


**** ***** ****

كان نفسي اتكلم من بدري زيهم كلهم كانوا ورود متابعها ومش عارف اعبر باحساسهم الجميل دا كلهم نجوم مصرية بحبها وبحترمها اوي ليهم مني كل بوكيهات الورد و الود و الحب ..


يارب يحفظكم يا مصريين يا فاتيما و ندي الياسمين وكيارا سوني و كريم و وليد و سامح و منونه و رامي و ريم و لولا و مدام راندا و ابي و المناضله اوتااااااااااااااااااااار و كرم و دعا امهاتنا و انتم بجد عاوز ازروكم واحد واحد في مدوناتكم و احييكم واشكركم و اقولكم ربنا يحفظكم يا مصريين مش عايز انساكم بس هستناكم عند فاتيما كلكم كلكم من قلبي بحبكم وبقولكم مبروك يقينكم وحبكم وصبركم

بوكيه ورد اهديه من قلبي لأرواح الشهداء الابرار في حب مصر

وبشكر حنان يوسف واهل السعودية الكرام ل و لينا واهل الاردن الكرام و حمزة واهل فلسطين ربنا ينصرهم و كل الناس الجميله ال سالت عننا و حبهم لمصر وقت الشده و دعواتهم من قلوبهم لينا بالخير

كل ال عاوز يشوف مصر يشوفها هنا بعيون فاتيما بعيون كل المصريين الحلوين

http://ro7albmama.blogspot.com/

[ Read More ]