Saturday, 12 February 2011

مصر يا أطعم اسم


مـــصـــر


م : مافيش حد زيك يا بلدي


ص : صبر و حنيه و روح قلبي


ر : رقه و قوه و ايد واحده


مصر .. مش النهارده ولا امبارح وبس مصر بكره و للأبد هتعيش بروحها تتحس


مافيش زيك .. مافيش اكبر منك لأ


انتي الأم و الحبيبه و البنوته الدلوعه و الراجل في وقت الشدة


انتي حنان في جده و نسرين في الاردن و حمزة في فلسطين انتي روح في قلوبهم وبان حبهم ليكي في محنتك يا مصر


صعب .. صعب اشوف صديق حواليا دخل عالمي و اديته امان و شاف بلدي في خطر ومداعلهاش بالامان .. بان الصاحب دلوقتي و بان الشامت وهتفضلي علي طول بتكبري يا مصر كل يوم بشبابك و ايديهم في ايديكي


وتسامحك اكبر عنوان



رقتك هتفضل فيكي انا فاكر عطرك .. في انفي بستنشقه يا حبيبتي


روحك روحي و روحك روحي


وانتي فاهمه يا مصر قصدي و مش هتنكسري قدام ال حاقدين عليكي


ومش هنطلع وحشين يا بلدي زي غيرنا مش هنأذي اخواتنا بكلمه ولا هنقول عليهم ناكرين جميل دا واجبك علي أي حد... هي دي طبيعتك عشناها فيكي و ربتينا ندي و مننتظرش الرد



بهديلك خبيني دلوقتي هي بتتغني ليكي


ليكي لوحدك مش لحد تاني


اه والله ليكي انتي بس


انتي ال باقيه .. دا يقيني


...دا لو فكرت الاقي كلام اقوله حبيبي فيك


يفوت العمر كله اوام وانا بوصف عينيك


...


مصر .. حبيبتي .. ربنا يحفظك للأبد


**** ***** ****

كان نفسي اتكلم من بدري زيهم كلهم كانوا ورود متابعها ومش عارف اعبر باحساسهم الجميل دا كلهم نجوم مصرية بحبها وبحترمها اوي ليهم مني كل بوكيهات الورد و الود و الحب ..


يارب يحفظكم يا مصريين يا فاتيما و ندي الياسمين وكيارا سوني و كريم و وليد و سامح و منونه و رامي و ريم و لولا و مدام راندا و ابي و المناضله اوتااااااااااااااااااااار و كرم و دعا امهاتنا و انتم بجد عاوز ازروكم واحد واحد في مدوناتكم و احييكم واشكركم و اقولكم ربنا يحفظكم يا مصريين مش عايز انساكم بس هستناكم عند فاتيما كلكم كلكم من قلبي بحبكم وبقولكم مبروك يقينكم وحبكم وصبركم

بوكيه ورد اهديه من قلبي لأرواح الشهداء الابرار في حب مصر

وبشكر حنان يوسف واهل السعودية الكرام ل و لينا واهل الاردن الكرام و حمزة واهل فلسطين ربنا ينصرهم و كل الناس الجميله ال سالت عننا و حبهم لمصر وقت الشده و دعواتهم من قلوبهم لينا بالخير

كل ال عاوز يشوف مصر يشوفها هنا بعيون فاتيما بعيون كل المصريين الحلوين

http://ro7albmama.blogspot.com/

2 Responses so far.

  1. انت متخيل يا محمد..

    متخيل كم الناس اللي فرحانة دلوقتي
    بغض النظر عن التحرير والملايين اللي هناك
    انا كل ما ادخل حتة الاقي فرحة مش طبيعية

    الحمد لله يارب
    يارب ينصرنا ويعزنا
    اول مرة الاقي صحابي بيبعتولي مسجات عشان ننزل نعمل حاجاة في البلد
    احنا اتغيرنا

    :)
    انا مبسوطة اوي على فكرة

  2. يارب تدوم الفرحه علي القلوب و متسرقناش الفرحه و ناخد بالنا من بعضنا ونكون كلنا ايد واحده صمريين بنحب بلدنا
    يارب نحافظ علي مصر و يحفظ مصر ويارب تدوم فرحتك و اصحابك ال بيحبوكي براسيلهم وحبهم و تكوني مبسوطه علي طووول يا رضوي ياااارب
    :))